كلمات مهرجان قلبي بيوجعني يا زماني لعصام صاصا الكروان بتحكي عن الغدر والخيانة، وبتوصف الإحساس بالقوة بعد التجارب الصعبة. الأغنية فيها حماس وكلمات قوية بتعبر عن التحول من الطيبة للقوة، وبتوضح فكرة إن الشخص بعد ما يتأذى بيبدأ يفكر في نفسه ويبعد عن اللي أضره. لو بتحب المهرجانات اللي فيها تحدي وكلام صريح عن الحياة، مهرجان قلبي بيوجعني يا زماني هيعجبك.
كلمات مهرجان قلبي بيوجعني يا زماني
هضرب وهعوّر أخصامي
هنزل مش شايف قدّامي
حتّى الضّحكة صبحت ناسيها
وما فيش إخلاص
قلبي بيوجعني يا زماني
ناسي بتتعبني وكارهاني
أنا هتحوّل لحدّ تاني
عشان أعرف أعيش
هقسّى ومش هنسى اللّي أذاني
وهزعل كلّ اللّي رازاني
من النّهارده هعيش أناني
يعني ما تلومونيش
فوق حبّة، إصحالي يا باي
جينا هنضرب طلقات حيّ
هنا هتموت لو في حكاية جاي
أصل أنا مش باخد بأسامي
اللّي يقدر أشيله فوق راسي
أمّا الخاين تحت مداسي
ماليش أستاذ ودراعي أستاذي
راجل بنفّذ كلّ كلامي
إسلام ميمي عريس فرحتنا
بولاق الدّكرور يعني جيهتنا
ومصطفى زبلة بطل دايرتنا
الخوف على بابه ما عداش
اللّي يعاديه ده ناوي على موته
علم الجيهة ده بوشة أبو تيتو
مصطفى بولاقية مسمّع صيته
وأيّ عركة ما بيهبّهاش
ما تفكّرش إنّك أسطورة
هنزل وهلعب بيكو الكورة
هخلّي دمّك يبقى نافورة
لو هتخيب كده مرّة معايا
بيت الرّعب ما يرعبنيش
صاحبي القلّة ما يلزمنيش
أنا أهونلي أموت ولا أعيش
مع ناس بتتمنّالي الأذيّة
هضرب وهعوّر أخصامي
هنزل مش شايف قدّامي
وهقلّل حبّة في إحترامي
عشان ما نفعنيش
أنا فاكركو ومش ناسيكو
وهدوس كلّ واحد فيكو
عشان ما صعبتش مرّة عليكو
وما رحمتونيش
ضدّي بتفشل أيّ محاولة
أصل أنا شاب مجنّن دولة
ما هي لو جاية معاكو في جولة
يبقى إنت بتحارب على موتك
آه منك يا اللّي بتندبني
نفسك من جواك تقتلني
علشان سالك ربّي ناصرني
أصل وجودي بيلغي وجودك
أنا مش فاهم اللّي بيحصلي
ده صاحبي عايز يكسر ضهري
وكلّه فاكر نفسه بروسلي
بس أنا ثابت على مبدئي
الأخصام بكسرها وأهينها
والأبطال منّي مجنّنها
أيّ عيال ع الدّغري دافنها
أنا على عمري بقيت مش باقي
أنا شارب چوب وآي دي
مخّي مسافر، إبعد عنّي
جردات بلدكم بتهيبني
ثقتي في نفسي بتكفيني
مش بالعضلات ولا بالچيم
هجيب من وشك بركة دم
هخلّي حالك يا إبني يغوم
أصل اللّي زيّك ما يملى عيني
قلبي مش بيخاف من حدّ
لو عنتيل قدّامي يتهدّ
ده أنا جبروت وطريقي سدّ
ما تجيش قصّادي
كاسر عين الأخصام
أنا طول عمري جدع وتمام
ما بجيبش ورا وبجيب قدّام
أمّا إنت آخرك فاضي
دي صحبة فستك ما تتعاشرش
آه منكم يا كلاب القرش
ده من الهفّ طلعلك كرش
إنتو عيال ملعوب في أساسها
عايش لوحدي، ما حدّش جنبي
فين اللّي قلت عليه كان صاحبي؟
مش فرحان، أنا قلبي معبّي
والنّاس بتحبّ اللّي يدوسها
ما تعيشليش دور المظلوم
أنا شفت من ده كلّ يوم
من اللّي بشوفه بقيت مصدوم
بقى ما فيش أحباب، فارقوني
ما فيش إخوة وما فيش تراضي
والعقل خفّ من التّعاطي
في كلّ حاجة بحطّ شروطي
ومش هرحم كلّ اللّي خانوني
أجعص ما فيكو عندي ما عداش
أنا الدّهب وإنتم ببلاش
يا عيال جبلة وما بتسواش
أنا مش شايف راجل فيكو
مش بنهيب من أيّها جتّة
معايا هتموت لو تغلط غلطة
أنا التّوب، أمّا إنتو أونطة
في أيّ حتّة بحطّ عليكو
ناس بتبيع اللّي شاريها
وناس سواد قلوبها عاميها
حتّى الضّحكة صبحت ناسيها
وما فيش إخلاص
ناسي نفسي من سنين
ما بقتش عارف مين مع مين
كلّ البشر صبحت تعابين
وإختفى الإحساس
إسلام ميمي رجولة متكاملة
مش فرحة، دي هتقلب حفلة
بولاق الدّكرور يا أسطى عتاولة
ما فيناش ولا حدّ جبان
الخصم بنعمّله منافيلا
الزّعامة ده مصطفى زبلة
يالّا هتنافسه هتصبح قلّة
أصله فارس من الفرسان
وش الخصم برجله يشوطه
علم الجيهة ده بوشة أبو تيتو
تيجوا قدّامه في حكاية هتموتوا
راجل مشرّف إسم الجيهة
الجبروت قدّامه هافية
الزّعيم مصطفى بولاقيّة
راجل مسيطر، قدّ الدّنيا
ع الدّغري أخصامنا بننهيها
محمود لطفي القلب الميّت
لو هتزاوله لازم تتخيّط
مع اللّي منّه يبقى قلبه أبيض
في الجدعنة يديكو دراسة
عدّى عليهم أيّها نجم
ملوك الموضة فايڤ كي إم
واللّي النّاس بتحبّه يا عم
ميشو الطّوخي يعني الرّياسة
وعصّام صاصا فنّان الجيل
بيحطّ على أيّها عنتيل
وعبده روقة كلامه تقيل
القلم الجارح فوق
كيمو الدّيب شبح المزيكا
ع الدّغري ماسحكم بالأستيكة
أحلى إدارة ده ياسر أبو چيكا
والكلّ نايم مش بيفوق
مهرجان قلبي بيوجعني يا زماني
Qalbi Beyouga3ni Ya Zamani – Essam Sasa
كلمات: عبده روقه
توزيع: كيمو الديب
المزيد من أغاني عصام صاصا
مهرجان الأخصام ضموا لبعضيهم – عصام صاصا
مهرجان مركب أوجاع – عصام صاصا
مهرجان محكمة ودخلنا على المفرمة – عصام صاصا
مهرجان أنا البطل – عصام صاصا وعنبه
مهرجان الضرب على العيون واجب – عصام صاصا