كلمات مهرجان الضرب على العيون واجب لعصام صاصا بتجمع بين الجرأة والمشاعر الصادقة. بداية الأغنية بتقدم قوة وتحدي، بتهاجم الخصوم والمنافقين بأسلوب جرئ وساخر. في النهاية، تتحول للأحاسيس الرقيقة والعشق العميق، بتظهر حب وإخلاص للحبيبة بطريقة مؤثرة. مهرجان الضرب على العيون واجب يعكس تباينًا بين القوة والرقة في قالب قريب من القلب.
كلمات مهرجان الضرب على العيون واجب
الضّرب على العيون واجب
علشان بالحبّ مش عاجب
العين ما هتعلى ع الحاجب
لا فوّقوا حالكو
متشرّفش أبقا خصمكو
دأنا دوست عليكو كلّكو
مطوتى سرحت فى جسمكو
دأنا عبّيتهالكو
تعرفوا تصرّفوا قبّلو
يلّا عايزكو تسندلو
راجل مش جدع اللّى هينكش
ويجيب حد يحلّلو
واقف قدّامكو بطولى
على سكّة أنا نفسى تجولى
أوّمال فين الأبطال اللّى على
الاستوريهات كرتولى
أنا عمرى ما جبت مرّة خلف
دأنا أموت بكرامتي وسط الف
وماليش فى الكدب ولا الكارف
لأ أخوك يعجبك
أنا فى التفخيد حاسب ماليش
يدوى وبسلاح معاك هعيش
يابنى انت على الفاضى ومفيش
أيوه أنا بندبك
عمّال بتجرّرى حصنة
وبيتضرّبوا يا عمّنا
اللّى يجس بقولو أنا يس
بيجى قدّامى يقطم هنا
قلبك مش ناوى يجيبك
متخفّش دى علقه واسيبك
سهله بسيطه الصّدفه جميله
متخفّش شايلك أنا نصيبك
أنا صاحبى دراعى وقت ضيق
أجدع من الف ١٠٠ صديق
أصحابى دبحونى بالبطيئ
لمّا احتاجتلهم
من يومها بقيت واخد قرار
مبقتش برنّ مهما دار
هتعامل عادى مش حوار
دول الله يعينهم
كلّو بيكرف على جدع
مش شايف واحد جدع
دا فى كام جثّة كدا معيّنه
ياخى دا الواحد فيهم اتخدع
وحياة عيشكو وملحكو
انتو مناظر كلّكو
قبل ماتسلكو ليّا اسلكو
من جوّاكو بس لنفسكو
كلّها بصراحة ع السّليم
مظابيط لكن مع الحريم
ربّنا ياعمّهم يديم
بيننا إلاونطة
لبسوا سهروا واصرفوا
احجزوا ع البيست وإكرفوا
انصبّوا على بعض كشفوا
يابا فى الكام شنطة
جرا إيه ياناس ياكويّسة
كدا شغل عيال محدّثه
كنتوا زمان قبل أمّا تخيبوا
بيقولوا دى ناس متميّزه
الفهمان مبقاش فاهم
وبيقنع نفسو وواهم
إنّو مفيش من أمّو اتنين
وأخينا فى الهلس بقا يساهم
الدّنيا معاكى حاجة تانيه
قبلك مكنتش والله دنيا
عارفه أمّا تغيبى عنّى ثانيه
أنا إيه بيحصلى
والله بقيتى أوكسچينى
كاملة الأوصاف وماليا عينى
أنا هنا علشانك أأمرينى
منك ما هجلى
العشق انتى يا حتّتى
بعشق أمّك أموزتى
انتى مكانك جوّا القلب
ومن حقّك تتستّتى
شاورى وبالباقى ماعليكى
حالا يتجاب معاليكى
انتى مراتى وكلّ حياتى
وبنتى اللّى ماليش بعديكى
مهرجان الضرب على العيون واجب
Al Darb Ala Al Oyoun Wajib – Essam Sasa
كلمات: مصطفي الجن
توزيع: كيمو الديب
المزيد من أغاني عصام صاصا
كلمات مهرجان في زنزانتي – عصام صاصا
كلمات مهرجان إحنا ولاد الشمس – عصام صاصا
كلمات مهرجان غيبنا وغاب الإبداع – عصام صاصا
كلمات مهرجان طب ليه مبيرنش تليفوني – عصام صاصا
كلمات مهرجان انفجار شامل – عصام صاصا