كلمات مهرجان أنا البطل لعصام صاصا وعنبه بيحكي عن شخص متأكد إنه البطل الوحيد، مش خايف من أي حد، وبيتحدى أي شخص يفكر يواجهه. الكلمات بسيطة وصريحة، فيها ثقة كبيرة بالنفس وسخرية، وبتسلط الضوء على الفرق بين القوة الحقيقية والمزيفة. اغنية أنا البطل متخطرهاش مع خطر مليانة طاقة عالية وخفة دم تخليك تحس بالحماس من أول كلمة لآخر واحدة.
كلمات مهرجان أنا البطل لـ عصام صاصا وعنبه
الدّنيا ديّة تشهد لينا
عشان احنا يا صاحبي أسود
الكمبرسات إجباري بتكن
أمّا الأبطال بتعود
ارجعوا لا هتتقطّعوا
جايين مع مين ده طريق مسدود
في وجودنا التزموا الصّمت
أحسن وضعكم هيكون محدود
أنا البطل ما تخطّرهاش مع خطر
خطّ أحمر خدلك حذر
لو شايف نفسك دكر
هنصفّيك
افتكر القلب الميّت نزل
كلّ الأبطال تعتزل
لو معوّج هنا تتعدّل
للعب بيك
الأرض لسّه ما شالتش حد
نعمّله في مرّة حساب
خوفنا الخوف ذات نفسه
وعيشنا الأخصام في عذاب
يا ابني احنا وحوش الكوكب
واللّي يقول غير كده كدّاب
حذّرتك وانت وراحتك
ماتجيش مع صاصا وعنّاب
اصحى للفخامة اصحى للكاريزما
خدت اللّقطة منك من غير ولا كلمة
انت لسّه ننا مش هتبقى منّا
انت يا أسطى الا ياد مافيش مقارنة بينا
أنا رايّس على أي رايّس
أنا خصم على وشّه دايس
خد بالك منّي واحترس
من صغري وحش مفترس
عجايب الدّنيا دي سبعة
تامنها إنّك تلاقيلي بديل
أنا يا ابني الرّقم الصّعب
حبيب الشّعب واسمي ثقيل
الخوف ده أنا ماعرفهوش
فما تتحطّوش للدّور تقتيل
وبطولي أنا قدّ بجيوش
فما تحلّوش مع عمّ الجيل
القلب قلب أسد
والصّحّة زيّ الفلّ
بغيب براحتي وأمّا باجي
ببقى سواد ع الكلّ
لوحدي أقدّ ببلد ومش شاغلني عدد
كلّها بتختفي أوّل لمّا أنا بطل
أنا رايق وانت متدايق
أنا فايق فتلاقيني سايق
أنا سالك وانت بتنافس
انت بالنّسبة لي مش فارق
أنا بكرف ناس كارفينك
مش زيّك واقع مدلوق
ده الفرق ما بيني وبينك
علشان كده دايماً محروم
تغلط قدّامي حهينك
لمّ الدّور واخلع بالذّوق
أنا عمّك وعمّ جيلك
تلعب مع من يا عبّ فوق
مهرجان أنا البطل – عصام صاصا وعنبه
Ana Al-Batal – Essam Sasa & 3enba
كلمات: محمود سوستا
توزيع: كيمو الديب
المزيد من مهرجانات عصام صاصا
كلمات مهرجان الضرب على العيون واجب – عصام صاصا
كلمات مهرجان في زنزانتي – عصام صاصا
كلمات مهرجان إحنا ولاد الشمس – عصام صاصا
كلمات مهرجان غيبنا وغاب الإبداع – عصام صاصا
كلمات مهرجان طب ليه مبيرنش تليفوني – عصام صاصا