كلمات مهرجان بنده هل حد قال أنا لمطرب المهرجانات عصام صاصا، بتعبر عن شخصية قوية وواثقة من نفسها، لا بيهتم بكلام الحاسدين ولا بالناس اللي بتحاول توقف طموحه. عصام قدم نفسه في الكلمات زي البطل اللي ما يخافش يرد ويواجه، وبيؤكد إن كل اللي حققه جاي بجده وعرقه. اغنية بنده هل حد قال أنا مليانة طاقة وجرأة، وفيها رسائل واضحة لكل اللي يحاول يعترض طريقه.
كلمات مهرجان بنده هل حد قال أنا عصام صاصا
بنده هل حد قال أنا
يا بتوع من السنة للسنة
كيمو الديب
كلّها هتنام من العشا
أبطال بس مشنشة
جرى إيه يا ناس يا كويسة
حيلكم بقى مهدود ليه
أنا هفضل أنافس نفسي
ما تجيبوا راجل ينافسني
ده بنفسي عملت أنا نفسي
الرايج أنا خدت عليه
أنا عايز أحس إنّي شايفكو
لكن للأسف أنا مش بلمحكو
وأما بريّح علشان أشوفكو
بحس بخنقة فباجي أريحكو
أنا بحضر بخطف أضوائكو
ده بالعافية أنا ومش بستسمحكو
بتخافوا من دخلتي ما أنا بابا
مش مسنود على بابا شبهكو
بنده هل حد قال أنا
ولّا ده مش صوتكو صوتي أنا
يا بتوع من السنة للسنة
عيشوا دور لايق على دوركو
ساكنين جوّة الأنفاق
هلا مرحب بالأعداء
ده وفاء عند أم وفاء
بيّنوا بقى غل وشوشكو
أنا لو كنت عايشها لنفسي
أنا كنت زماني راكب طيّارة
يكفيني حقّقت اللّي في نفسي
وبقيت نمبر وان بجدارة
إسأل عنّي في أيها شارع
أيها جيهة هيقولك صاصا
خلّى مجالنا صبح عبارة
وبقى قبطان وفي إيده الطارة
عندي أم عيالي تكفيني
حضنها ده اللّي مدفيني
جايبالي حتّة سكّرة
شايل إسمي ده نور عيني
كده 100 فل وربحانة
ما هو طول ما المولى معانا
كل الأخصام غيرانة
بس أنا ربّي مقوّيني
هتغلوا وتتحرقوا بغيظكو
حقّكو ما أنا جيت كلت الجو
إسمي بيتقال بينرفزكو
الكروان بقى ليكم ياض عو
إديتكو المالح فطمعتوا
وما طلعتوش ساعة ولا حلو
ربّنا بقى يديني الصحّة
وكل ما أكبر عليكو أحلو
حزب الهلافيت يجتمع
من إمتى ده خرج جدع
على إيدكم شفت البدع
وما فيش مبدأ بأمانة
مش معنى إنّي عرفتكو
فتقولوا إن أنا زيّكو
هتجيبوا سيرة عمّكو
كده مش هتكون خلصانة
من فضلكو بقى لمّوا عزالكو
وروحوا شوفولكم حتّة بعيدة
مش كل يومين هاجي أزعلكو
وأسمع منكم شغلة جديدة
ملعون أم الكيف سواحكو
وشكلها كده توليفة شديدة
عملت من الكتاكيت تماسيح
بس أنا عامل للتماسيح صيدة
كلّه يجيب اللّي عليه
عايز أسمع قولوا أوكيه
قد نفذ رصيدكو معايا
وما فيش حق هبقيه
إسود ع الإسود يا أسطى
والأبيض سيبه للبفتة
موقف وهتدفع فردة
كلّه يشخلّلي إيديه
أنا كنت سايبكو على راحتكو
لكن شكلي مرعتكو بسكوتي
وما كانش في بالي أكسر عينكو
عشان طيّب مش شخص حقودي
بس إنتو اللّي ما بتحبّوش غير
اللّي يكون ويّاكو غدودي
كده لمّا أنا أوصل تتخرسوا
وما أسمعش نفسكم في وجودي
الكروان ده عصام صاصا
معروف عنّه المدرسة
كيمو الديب ده في توزيعه
متلقّب بالمعجزة
كاستلو ده قلمه جناية
بيخلّص أي حكاية
معاذ وليد وأبو طه
بيقولوا الأيّام جاية
مهرجان بنده هل حد قال أنا
Banda Hal Had Qal Ana – Essam Sasa
أداء: عصام صاصا
كلمات: كاستلو
توزيع: كيمو الديب
المزيد من أغاني عصام صاصا
أول حاجة
رجع القائد
قلبي بيوجعني يا زماني
الأخصام ضموا لبعضيهم
مركب أوجاع