كلمات مهرجان أول حاجة لـ عصام صاصا بتحكي عن الخيانة والوجع بأسلوب شعبي قوي ومليان تحدي. الأغنية بتعبر عن خيبة الأمل في الناس اللي المفروض يكونوا أقرب ليك، لكن يغدروا بيك، وكأنها قصة واحد اتجرح لكنه قرر يواجه بكل جرأة. كلمات اغنية أول حاجة هتشدك فيها هي الكلام اللي بيجيب من الآخر ويحسسك بالقوة.
كلمات مهرجان أول حاجة لـ عصام صاصا
وأسمع صوتها في تليفون صاحبي
بتقوله إنت واحشني
كل الدنيا بتسكت وبعيش نص دقيقة ذهول
عادي ما إتنين خاينين
بس حلفت أنا ألف يمين إن في تربة لا أسكنكو
كيمو الديب
أوّل حاجة لمّا تكلّمني
تشيل إيدك من جيبك
ولا عايزني أهينك
وما تغمزش زميلك
ده إنتو آخركم فاضي
هتشخصنها وهتكبّرها
وتتقمّص جودزيلا
هفضل شايفك قلّة
وتجيبلي كلاب ضلّة
هفعل وياكو عادي
أنا مش تلميذ أنا أستاذ وده بشهادة الأخصام
أنا خرّيج تشريح أصل أنا مولود وفي إيدي جرار
أنا أوّل دفعة إتخرّجت من منهج إجرام
شايف إحداث عاشوا دور إحداث ع العادي تمام
بعمل خير وياكو يا عرر
يتردّلي عداوة
وبشوف منكو غباوة
صعب جراحي تتداوى
بعد ما ماتت الثقة
بطّلوا تستعموني شويّة
ده أنا بفوت بمزاجي
وبقول سهلة وعادي
كنت شايفكو إخواتي
بس الثقة مهلكة
كان نفسي بجد أعيش سلمي بعد ما عشت محارب
بس الناس دي بجد أذتني عشت معاها تجارب
اللّي يحبّك وإنت قصّاده بيهينك لو غايب
لازم أكون سماوي طالما دخلت في جحر عقارب
كنت بسيبك وأنا مطمّن
وبقول مش هتخوني
جدعة أكيد هتصوني
عمرها ما هتكسرني
بس قوام كسرتني
وأسمع صوتها في تليفون صاحبي
بتقوله إنت واحشني
صاحبك مشي وسابني
يلّا تعالى قابلني
إنت بجد عاجبني
كل الدنيا بتسكت وبعيش نص دقيقة ذهول
وبكدّب ودني اللّي بتسمع وبقول مش معقول
إزّاي هنت عليها وهنت عليه يخلّيني مذلول
بس ورحمة قلبي اللّي قتلتوه لا أتحوّل غول
لا أتحوّل غول
برجع للماضي اللّي نسيته
وبكون تاني عقبيّة
مش باقي على الدنيا
ما أنا عشتها سلميّة
كلّه فرح في أذايا
إستقبلوا يلّا إستعدّلوا
طب خد عدلك يا روح أمّك
علشان هكسر نفسك
سلّملي على حبيبتك
لسّه حسابها معايا
وحياة عيني وكل دموعها لا هقرفكم في عيشتكو
لا هخلّيكو تتمنّوا الموت ولا مرّة في سكّة أقابلكو
شفتوا الخير على إيدي وشفت الشر زيادة على إيدكو
بس حلفت أنا ألف يمين إن في تربة لا أسكنكو
بعد الساعة إتنين بالليل
كسرت الباب ودخلت
قمت بصوتي ندهت
قلتلهم دلوقت
مش هتعيشوا ع الدنيا
طلّعت المقروطة من جنبي
وقّعت الإتنين
عادي ما إتنين خاينين
وجيرانهم سامعين
قاموا بلّغوا الشرطة
ديّا حكايتي يا قاضي وده اللّي حصلّي، ما عادش كلام
هيطيّب خاطري ويشفيني من اللّي بعيشه في آلام
كنت بعيد عن كل النّاس أنا كنت بحس أمان
وأمّا عملت صداقة أصبحت مدان واخد إعدام
ولا عصام صاصا الكروان
معروف ده مكانه ع القمّة
وإنتم ما لكوش لازمة
مهرجان أول حاجة – عصام صاصا
Awl 7aga – Essam Sasa
كلمات: كاستلو
توزيع: كيمو الديب
المزيد من أغاني عصام صاصا
رجع القائد
قلبي بيوجعني يا زماني
الأخصام ضموا لبعضيهم
مركب أوجاع
محكمة ودخلنا على المفرمة