كلمات مهرجان أنا شاب شكله بقا أكبر من سنو لعصام صاصا وكيمو الديب فيها وجع وقوة في نفس الوقت. الأغنية بتحكي عن الخيانة والخذلان من أقرب الناس، وإزاي الوجع بيغير ملامح الواحد ويخليه أكبر من عمره. لو عايز تقرأ كلمات أنا شاب شكله بقا أكبر من سنو مكتوبة وكاملة، هنا هتلاقي كل إحساس واضح وصريح.
كلمات مهرجان أنا شاب شكله بقا أكبر من سنو
لو تسألوني مين اللّي خانوني
واللّي باعوني هردّ وأقول
خلّاك يا قلبي عايش يا قلبي
وحيد معايا مالناش حبيب
شكراً بجدّ لكلّ حد وجعني
أصل الوجع علّمني
الجرح علّم فيّا على طول بنام زعلان
آه من الألام ما بقيتش أنام
أنا مش تمام أنا فيّا إيه
على طول حزين
واللّي يشوف شكلي لازم يزعل عليه
عمري ما بشكي ولا عارف أحكي
أنا بس ببكي كده في سكات
جابوا الطّبيب يعالجني قال
إزاي هعالج شخص مات؟
أنا شاب شكله بقى أكبر من سنّه
موجوع من اللّي منّو
وحبايبه مش بيحنّوا وكلّه جاي عليه
والدّنيا واخدة منّي كلّ حدّ بحبّه
أنا اللّي عاشها لوحده
ووجعه جوّه في قلبه
وبحور دموع في عينيه
لو تسألوني مين اللّي خانوني
واللّي باعوني هردّ وأقول
اللّي أنا كنت بحبّهم
وكنت معاهم على طول
ساقوني مرّ شربت مرّ
والعُمر مرّ ماهو النّصيب
خلّاك يا قلبي عايش يا قلبي
وحيد معايا مالناش حبيب
شكراً بجدّ لكلّ حد وجعني
أصل الوجع علّمني
خلّاني أفهم إنّي ماديش لحد أمان
لو أعيش لوحدي
أحسن ما أعيش في قسيّة
مع ناس بتيجي عليّا
الجرح علّم فيّا على طول بنام زعلان
يا صاحبي قولي هو انت
لمّا ضحكتلي وقلت حبيبي
كان قصدك أنا ولّا انت قصدك
إنّك يا صاحبي بتحبّ جيبي
عينك معايا ماشية ورايا
واللّي في إيدي بتموت عليه
حتّى الطّبق اللّي قلبته
هو اللّي كلت معايا فيه
صاحبت نفسي أصل الصّحاب أندال
خطّ الخيانة شغّال
كلمة أخويا تتقال
إزاي بخيانة
كلّها ماشية بمبدأ الغشوميّة
مش ماشية بالأخويّة
بقا آخرة الصّحوبيّة نومه في زنزانة
حبيبتي فوقي ما تفكّريش
إنّي في بُعدك هعيش حزين
أنا بقولك إنّ انتي حبّك
عادي يتنسّى في يومين
أنا عمري ما أزعل ع اللّي باعني
أنا اللّي باعني لازم يتباع
فاتح باب الفُراق بنفسي
واللّي يمشي بقولو وداع
رسالة للّي سابني بقولو انساني
أمّا امشي مش باجي تاني
وعشانك مش علشاني
ما تجيش تقوليلي نرجع
عشان هتسمعي كلام كتير يوجعك
خلّي التّاني ينفعك
هييجي يوم يجرحك
وتصرخي مش هسمعك
مهرجان أنا شاب شكله بقا أكبر من سنو
Ana Shab Shaklo Ba’a Akbar Men Senno – Essam Sasa & Kimo El Deeb
غناء: عصام صاصا وكيمو الديب
كلمات: مانو الجاحد
توزيع: كيمو الديب
المزيد من مهرجانات عصام صاصا
أنا صوتي شعار ع الساوند
اسند ضهرك واقعد
حبيبي يا عم
بنده هل حد قال أنا
أول حاجة