كلمات اغنية حبيبي يا عم دويتو بين عصام صاصا وعنبه من فيلم أحمد وأحمد بطولة أحمد السقا وأحمد فهمي، بتحكي عن الصداقة الحقيقية والأخوة اللي أقوى من الدم. الأغنية بتوصف علاقة صاحبين عمرهم ما خانوا بعض، وبتأكد إن الصديق وقت الشدة أغلى من أي حد. تعالوا نستمتع بكلمات حبيبي يا عم اللي بترسم صورة جميلة للصداقة الصادقة في قالب شعبي محبب.
كلمات اغنية حبيبي يا عم لـ عصام صاصا وعنبه
حبيبي يا عمّ
أخويا يا عمّ
معاك ماشيلش للدّنيا همّ
لو مين مهمّ إنت الأهمّ
أنا وإنت واحد ومش إتنين
حبيبي يا عمّ
أخويا يا عمّ
إللّي إنت عايزو إعتبرو تمّ
وأي حاجة بيننا بتتلمّ
وبتقبل القسمة على إتنين
صاحبي إنت صاحبي إنت بنطي
ضهره كان في ضهري من طفولتي
حطّ صورتو بس جنب صورتي
مش هتلقى بينهم إختلاف
أخ ليّا أخ ماشي جنبي
قلبه راح بقلب قوّى قلبي
ورقة واحدة وإللّي عندو عندي
وإللّي شافنا جنب بعض خاف
لو عيني مشافتش أنا ليّا أخ بشوف بعنيه
ده إللّى مبزعلش أنا منّه لكن بزعل عليه
حبيبي يا عمّ
أخويا يا عمّ
إللّي إنت عايزو إعتبرو تمّ
وأي حاجة بيننا بتتلمّ
وبتقبل القسمة على إتنين
حبيبي يا عمّ
أخويا يا عمّ
معاك ماشيلش للدّنيا همّ
لو مين مهمّ إنت الأهمّ
أنا وإنت واحد ومش إتنين
صاحبي قيمته تعلا تعلا قيمتي
غلطو لمّا غيبت ردّ غيبتي
ده إللّي شال معايا نصّ شيلتي
شاف كتير معايا مشتكاش
عشرة بيننا عشرة عمري كلّه
سرّي هو سرّه مهما أقوله
مهما قولت مهما هحكي عنّه
في حاجات كتير ما قولتهاش
لو كلّه بايعني أنا ليّا أخ مابيبعنيش
ده إللّي مالوش غيري ف الدّنيا
يا دنيا وغيرو ماليش
اغنية حبيبي يا عم – عصام صاصا وعنبه
Essam Sasa ft. 3enba – Habibi ya 3am
كلمات: مصطفي حدوته
الحان: مصطفى تاج
توزيع: Coolpix boy