كلمات اغنية اقسم بالله ما أسامحكم لـ محمد سلطان بتعبر عن غضب وجرح كبير من خيانة الأقرباء. الأغنية بتحكي قصة شخص ضحى كثير لكن اكتشف أن اللي كان بيثق فيهم بيتآمروا ضده. كلماتها صادمة زي: “حاربت الدنيا عشانكوا ولقيتكم بتحاربوني”، مع تأكيد أنه مش هيسامحهم. اغنية اقسم بالله ما أسامحكم بتوصف مرارة الخيانة بصراحة وجرأة.
كلمات اغنية اقسم بالله ما أسامحكم
فواتير جدعنتي دافعها
ومحدّش حاسب غيري
دفاتركم لو هراجعها
يبقى هنتحاسب ميري
أسألوا والنّاس هيقولوا
لحم كتفاكم من خيري
دايماً مدّعي فـ أحزانكوا
وفأفراحكم تنسوني
ادّيت ومخدتش منكوا
علّيتكم وقعتوني
وحاربت الدّنيا عشانكوا
ولقيتكم بتحاربوني
على وشّ الدّنيا بحالها
مين اللّي سندكم قدّي
بخسر من عمري معاكوا
أيّام عمّالة تعدّي
ودا كلّه فاكركوا معايا
فتحت لقيتكم ضدّي
أنا متوقّعتش أبداً
يطلع معدنكوا مصدّي
أنا خايف يوم أدعيلكوا
من نيّتكم يديكوا
تولعوا مطرحكم ولا
تتهدّ الدّنيا فوقيكوا
فاكرين إنّ أنا هتنازل
وهسامح على بلاويكوا
أقسم بالله ما أسامحكوا
دا أنا هفضل داعي عليكوا
أنا واخد مقلب فيكوا
ما أنا كنت فاكركوا جواهر
واتعلّمت على ايديكوا
بطّلت أحكم بمظاهر
فـ قلوبكوا الغلّ ماليكوا
وعلى وشوشكم مش ظاهر
أنا اسف طيبتي الزّايدة
خلّتكوا تدوسوا عليّا
حبّيتكم ومفيش فايدة
جوّاكم سوء النّيّة
وحياة نار قلبي القايدة
ما أنسالكم أيّ أذيّة
على وشّ الدّنيا بحالها
مين اللّي سندكم قدّي
بخسر من عمري معاكوا
أيّام عمّالة تعدّي
ودا كلّه فاكركوا معايا
فتحت لقيتكم ضدّي
أنا متوقّعتش أبداً
يطلع معدنكوا مصدّي
أنا خايف يوم أدعيلكوا
من نيّتكم يديكوا
تولعوا مطرحكم ولا
تتهدّ الدّنيا فوقيكوا
فاكرين إنّ أنا هتنازل
وهسامح على بلاويكوا
أقسم بالله ما أسامحكوا
دا أنا هفضل داعي عليكوا
اغنية اقسم بالله ما أسامحكم
Uqsim Billah Ma Asamihkum – Muhamed Sultan
كلمات: أحمد غريب
الحان: محمد سلطان
توزيع: طه الحكيم
المزيد من أغاني محمد سلطان
اغنية لا متلاقيش – محمد سلطان
اغنية اجدع حد تقابله – محمد سلطان
اغنية وحشاني ياما – محمد سلطان
اغنية مسيرها تتعدل – محمد سلطان
اغنية زي الافاعي – محمد سلطان