كلمات اغنية زي الافاعي غناء محمد سلطان بتتكلم عن الزمن اللي بقى كله غدر وخيانة. الناس بقت تجري ورا المصالح والأخ مبقاش يراعي أخوه. اغنية زي الافاعي بتركز على فكرة إن الدنيا مليانة دروس والفلوس مش هتنفعك بعد ما تمشي. بتعبر عن الحزن والغضب من اللي بقى حاصل في الدنيا وإن مفيش حل غير عند ربنا، والدنيا بقت زي الغابة كل واحد بيأذي التاني والشر بقى في كل مكان.
كلمات اغنية زي الافاعي محمد سلطان
هو احنا بقينا ليه
زي الأفاعي
بقى كله بيجري ليه
في الشر ساعي
الأخ خلاص لأخوه
مبقاش يُراعي
كده بتشطب خلاص
وأقطع دراعي
الدنيا بتكتب آخر سَطر
وأنا وإنت آخرنا مِتر في مِتر
أفعالك هي رَصيدك
والدنيا بتدي دُروس
هتلم الدنيا في إيدك
وهتعمل تل فُلوس
القرش بإيه هيفيدك
وإنت في قَبرك مَحبوس
إعمل علشان الآخرة
فيها بتتساوى الروس
الناس دلوقتي إحفظ يا حَفيظ
إفتروا وبياكلوا في لَحم الحي
مابقوش شايفين غالي ولا عَزيز
بنقول رَبنا يستر مالجي
مَولد والكل بيأذي الكل
وغَباوة وشر وحِقد وغِل
وهتوصل بينا لفين معرفش
رَبنا وحده اللي في إيده الحل
هو احنا بقينا ليه
آخر غَباوة
وملينا قلوبنا ليه
غِل وغَشاوة
زَمن الحَنية راح
قلبت قَساوة
ومفيش حُب ببلاش
بقى بالإتاوة
إبليس مبقاش دلوقتي يزن
ما احنا بعمايلنا غَلبنا الجن
أول ما تغمض عينك
ياكلوك والفاتحة عليك
وحَبايبك وعَدوينك
على طول هيقطعوا فيك
بحلفلك قلبت غابة
مفهاش كام قلب سَليم
وديابة بياكلوا غَلابة
ولا حد بحد رَحيم
الناس دلوقتي إحفظ يا حَفيظ
إفتروا وبياكلوا في لَحم الحي
مابقوش شايفين غالي ولا عَزيز
بنقول رَبنا يستر مالجي
مَولد والكل بيأذي الكل
وغَباوة وشر وحِقد وغِل
وهتوصل بينا لفين معرفش
رَبنا وحده اللي في إيده الحل
اغنية زي الافاعي – محمد سلطان
Zay Alafa3i – Muhamed Sultan
كلمات: احمد غريب
الحان: عالمي
توزيع: طه الحكيم
المزيد من أغاني محمد سلطان
كلمات اغنية الغل مش باين – محمد سلطان
كلمات اغنية الصمت لغة العظماء – محمد سلطان
كلمات اغنية الخلاصة – محمد سلطان
كلمات اغنية العين عليك – محمد سلطان
كلمات اغنية كلنا مرضى – محمد سلطان