كلمات اغنية الغل مش باين للفنان الشعبي محمد سلطان بتتكلم عن قسوة الحياة والغدر اللي ممكن يجي من أي حد، وبتنبه إن الزمن ده مابقاش فيه أمان والناس بقت بتتصرف لمصالحها الشخصية حتى لو على حساب العشرة. الفنان بيحكي في اغنية الغل مش باين عن واقع مؤلم ويأكد إن الأصول والمبادئ بقت نادرة في زمن متمسك بالطمع والغدر.
كلمات اغنية الغل مش باين محمد سلطان
طول مالغل مش يايين
لكَف إيدك أوعى تأمن
واتوقع الضَربه تجيلك
من أي حَد مفيش ضامن
حيتانها طاحت في سَمكها
وكلها بترمي شِباكها
والعِشره هانت على كله
وكلوها براسها وبشوكها
مابقتش ماشيه خَلاص بالحُبّ
بقى كله في المَصلحه بيصب
وكَفّة الإخلاص خَفّت
وللأسف مابقتش تطب
لا عيش ولا مِلح بقى يطمر
ولا للأصول حَد بيكبر
في قَريب غَريب هاتتعشم
هتصوم وعلى بَصله هتفطر
إسند دروسك على سِنّك
لا الدنيا بالغَدر تسمك
دا يوم مارجليك هتخونك
هتشوف حاجات فيها تجنك
ماتتعشمشي في الكَتره
ولا في العَدد وتقول سَتره
ماتتنفخشي وتتعنطظ
لا تصحى وتفوق على إبره
سيب مَسافه ماتقربشي
من أي حَد ماتضمنشي
دي كلها بتقلب فَجأه
وبتعض فَتح ماتنامشي
الدنيا بقى حالها يَخوف
والصِدق بقى تَمنه مكلف
والغَدر بقى أسهل حاجه
وبَلاوي عماله تتحدف
نجيب منين حَد حَنين
وقت الوَجع يجي ويطبطب
يادنيا فيكي الحَنيّه
وف قلب ناسك بتشطب
لا قَريب بقى بيسند مايل
ولا الغَريب صافي النيّه
واللي احنا خَيرنا عليه جَمايل
بيردها جُحود وأذيّه
أيام ماهش جَدعه معانا
ولا ناسها جايه على هَوانا
وادينا عايشين بنأدف
بسَفينه غَرقانه غَرقانه
دَبابير وكلنا نازلين قَرص
وخُيول في بعضنا نازلين رَفس
رُخاص وبايعين نَفسينا
ومَبادئنا كلها هَلس في هَلس
عُقول في راحه وغَيبوبه
ونُفوس مَريضه ومَعيوبه
سايقنا في الدنيا طَمعنا
ومستعبدانا السَبوبه
الناس خَلاص نسيت روحها
والقرش بقى كل طُموحها
خَلا اللي ملهوش في القَسوه
يشوفله قُطّه ويدبحها
على رِزق بعض بيتحاربوا
واللي تكسب بيه اللَعبه
في الوش يضحكوا قُدامك
وف الضَهر سَكاكين بيخبوا
حَبل واتساب ع الغارب
توب الأصول بقى توب دايب
والمَشي جَنب الحيط عيبه
والمُحترم مبقاش عاجب
كله بقى كاره غيره
وتملي مستكتر خيره
وبنوك العِشره خَسرانه
ورَصيد الوِدّ فيها زيرو
تفاصيل اغنية الغل مش باين – محمد سلطان
El Ghal Mesh Bain – Muhamed Sultan
كلمات: عمرو قطب
الحان: محمد سلطان
توزيع: طه الحكيم
المزيد من أغاني محمد سلطان
كلمات اغنية الصمت لغة العظماء – محمد سلطان
كلمات اغنية الخلاصة – محمد سلطان
كلمات اغنية العين عليك – محمد سلطان
كلمات اغنية كلنا مرضى – محمد سلطان
كلمات اغنية حكايتي – محمد سلطان