كلمات اغنية تدفع كام لزياد الدساس فيها إحساس قوي بالخذلان والغضب، كأنها بتعبر عن صدمة شخص اكتشف إنه كان مجرد رقم في حسابات حد تاني. الكلام كله فيه مواجهة صريحة، بيحكي عن الألم لما تتحول المشاعر لصفقة. اللحن سريع يزود إحساس الثورة على الغدر، وكأنها طريقة لاسترجاع الكرامة بعد الخيانة.
كلمات اغنية تدفع كام زياد الدساس
فوّقلي و خلّي بالك عشان تمّ استبدالك
عيّط زي ما أنت عايز و اعمل ما بدالك
و هنيّالك أديك بقيت أحسن واحد في مجالك
كلّ اللي آمنته جه عليك يا عبيط محدّش جالك
هموم بالكوم متشاله بألف حاله و حاله
ليه حبّيتها قلبك كان بيتها و جاله قرار إزاله
كلّ ديا مسرحيّه و كان تمثيلها بجدّ زباله
شوفتها ستّ البنات ورتلك قهرة الرّجاله
في الغدر متتوصّاش عرفتني يعني إيه استنقاص
فضلت معايا 6 شهور بأمانه ده عرض خاصّ
الرّاجل بالنّسبالها عباره عن فلوس و خلاص
بس الفلوس مش كلّ حاجه يا رخيصه يا بنت الرُّخاص
يومين و هروق و مش هشوفك امّا أفوق
عمرها ما كانت لك بطّه مش ليك يا مرزوق
بقى قلبي مملي شروخ و ذكريات هالكه النّفوخ
شمسي هتطلع من غيرها شمسي مش محتاجه شروق
تدفع كام و هرجعلك راحة البال و تنام
2000 جنيه تمام و أوريك حبّ و اهتمام
روح اسأل برّه و هتتأكّد قدّ إيه أنا كارماك
معاك فلوس هنكمّل معاكش خد في إيديك الباب
تدفع كام و أرجعلك مشاعرك تاني سُلام
لو لسّا فيك الحبّ قوله ياريت يرقد في سلام
تدفع كام و أخلّي جرحك يهدى مع الأيّام
صحّ أنا قولت عليكي بنتي بس أنا بنتي مش ركلام
يا ويلك لمّا تكون حبيب بس مش محبوب
كلّ يوم بتنام معيّط أنت على أمرك مغلوب
هشوفك بتعيطي و أنا بضحك هيكون المشهد مقلوب
بتحبّيني و بتحبّيهم عايشه تتاجري في القلوب
ياه عالرّخص قلبك من المشاعر شحّ
و اللي في قلبي دي تعويره بسيطه مش هتسيبي جرح
سقطت في امتحانك ليه مع إنّي نازل دحّ
آخر حرفين في بحبّك طاروا و اتبقالي بحّ
حبّها وهم عينيها سهم قلبي اتخمّ ما أنا صدّقت
أمّا ندهت مردّش حدّ قولولي ده مين ده مش أنا ده
محصدتش ليه ما أنا اللي زرعت اشتريتك مع إنّي اتباعت
الدّمع في عيني جرّ في دمع بداري بس حرقني الشّمع
خساره جايه وراها خساره غلطت عشان أنا بختارك
تخرج من دارك قلّ مقدارك تتعاير منها بأسرارك
بلاش بقى ترجع في قرارك و تأمن و تصون غدّاره
خلّيها بتحلم تسامحها و اهرسها برجلك كسجاره
تدفع كام و هرجعلك راحة البال و تنام
2000 جنيه تمام و أوريك حبّ و اهتمام
روح اسأل برّه و هتتأكّد قدّ إيه أنا كارماك
معاك فلوس هنكمّل معاكش خد في إيديك الباب
تدفع كام و أرجعلك مشاعرك تاني سُلام
لو لسّا فيك الحبّ قوله ياريت يرقد في سلام
تدفع كام و أخلّي جرحك يهدى مع الأيّام
صحّ أنا قولت عليكي بنتي بس أنا بنتي مش ركلام
زياد دلوقتي بقى أخيه
بعد ما كنتي قايله بحلم إنّي أقابله و بحلم بيه
لو عالجرح تسلميلي ترجعيلي لا ميرسي
قلبي خلاص أنا مرسّيه حاربني اللي أنا بحارب ليه
حبّيتيني و حبّيتيه ميملاش عينك غير تراب
ربّنا كشفلي كلّ حاجه و جتلي عالطّبطاب
هقابل واحده أنضف بكره جرحي هيبقى طاب
آخرك ترجعي من فانزي مش هننفع نبقى صحاب
أهون عليها عليّا تهون خلاص مفهاش كسوف
الواقع طلع سودوي و الحلم ده أصبح كابوس
هقف أبيعك وسط النّاس واحده رخيصه قرّب شوف
زيّك زيّ إمام عاشور جريتي بس ورا الفلوس
قولتي إنّك غيرهم بس طلعتي أوسخ من اللي قبلك
زيّك زيّ الزّمالك خسرتيني و كنت قابلك
كنت في أيّ شئ بسامحك بس مش هقبل خيانتك
كتر النّور بيعمي و أنا من كتر النّور مبقتش شايفك
تدفع كام و هرجعلك راحة البال و تنام
2000 جنيه تمام و أوريك حبّ و اهتمام
روح اسأل برّه و هتتأكّد قدّ إيه أنا كارماك
معاك فلوس هنكمّل معاكش خد في إيديك الباب
تدفع كام و أرجعلك مشاعرك تاني سُلام
لو لسّا فيك الحبّ قوله ياريت يرقد في سلام
تدفع كام و أخلّي جرحك يهدى مع الأيّام
صحّ أنا قولت عليكي بنتي بس أنا بنتي مش ركلام
اغنية تدفع كام – زياد الدساس
Zeyad El-Dassas – Tedfa3 Kaam
كلمات وتوزيع: زياد الدساس
المزيد من أغاني زياد الدساس
اغنية علشان خاطري – زياد الدساس
اغنية عمر جديد – زياد الدساس
اغنية كده ارحم – زياد الدساس
اغنية خلاويص – زياد الدساس
اغنية احلى واحده – زياد الدساس