اغنية عمر جديد للفنان زياد الدساس تتحدث عن الحب الكبير الذي يغير حياة الإنسان بشكل جذري، وبتعبر عن مشاعر الفرح والامتنان لوجود الحبيب. الكلمات بتركز على كيفية تأثير الحبيب في جلب السعادة والأمل، وتحويل الحزن والهموم إلى فرح وحب. وهذه هي كلمات اغنية عمر جديد كاملة ومكتوبة.
كلمات اغنية عمر جديد لـ زياد الدساس
شافتني عليّا جريت فـ كلّ همومي مشيت
مش محتاج لـ حاجه تثبت هي خلاص بـ قلبي كسبت
عمرها ما عليّا كذبت كانت طول الوقت صادقه
و وقت ما هي ضحكت فجأة قابلها قلبي بـ دقّه
عمري ما هزهق يا عم ده أنا بستنّى منها طلّه
بخاف اني أحسد نفسي عليها فـ كلّ ما أشوفها أقول ما شاء اللّه
الفرصة بتيجي مرّه و أنا هحبّك كلّ مرّه
أشوفك بصّه عليّا فـ قلبي بيرفرف و يطير من الفرحه
قلبي ليكي دقّ شافك فجأة حنّ و رقّ
مهما ألف غرب و شرق مش هلاقي زيّك لأ
انتي حقّي من الدنيا دي و أنا مبسيبش حقّي لحد
انتي بجد كلّ حياتي و لو روحتي حياتي هتتهد
مش عارف أغنّي حزين ما و أنا ويّاها ازاي أنا هحزن
عندما تراكي عيوني لا يحمل القلب همّا
شبّيكي لبّيكي قلبك يتمنّى و أنا هحقّق
كلّ أحلامك بين إيديكي قلبي هيفضل ليكي دايما
أوّل عيد حبّ يعدّي و انتي معايا خلاص و ملكي
محدّش حبّك قدّي و هفضل سامعك مهما تشكي
أنا هفضل عند وعدي و مش هخلّي عيونك تبكي
معاكي بلقى نفسي بفرح و معاكي انتي بيعلى ضحكي
الحلوه امّا بتتمخطر بتخلّي الهموم تتبخر
قلبي لـ حبّها متسخّر جت في معادها مش متأخّر
معاكي كسبت حياتي و من غيرك أكيد أنا هخسر
هفضل أحبّك أكتر و أكتر حتّى لمّا أعجّز و أكبر
ستّ الحسن و الجمال قلبي قصادها مال
نظرة في عينك تسوى كنوز و ضحكتك أغلى من المال
كلّ الحزن اتشال لمّا جت شغّلتلي البال
علّقت عليكي الآمال يا ساكنة في الحتّه الشمال
عينك بحر و أنا غريق
حياتي نفق ضلمه و حبّك نور في نهاية الطريق
قبلك كنت بضيع و معاكي أنا رجعت برئ
صحّ أنا من إمبابه بس قلبي ده سايبه في الزقازيق
رغم المسافات و البعد محدّش هيكمّل قدّنا
مهما حصل مهما يحصل احنا ملناش غير بعضنا
لو كلّهم سابوكي أنا جمبك عايزك متطمّنه
قبل ما أطلبك من أبوكي أنا كنت طالبك من ربّنا
بحبّك انتي و مهما حاولوا يبعدوني
أنا هفضل جمبك مش هسيبك ولا عليّا تهوني
معايا كمّلتي مسيبتينيش زيّ اللّي سابوني
بقيتي أميرتي و خطيبتي و بنتي و نور عيوني
كنت عارف اني هحبّك من أوّل يوم شوفتك فيه
حبّيتك و لقيتك بيتي و جيتي كأنّ وجودك عيد
فيه هديّه يتجابلها هديّه ازاي ده كلام غريب
أخيرا بعد عذاب و خناق كتير أهو جمعنا النصيب
عينيها حلوه ضحكتها لحن و غنّوه
أوّل ما ببصّلها فجأة كلّ نقطة ضعف بتقوى
كلّ لحظه حلوه و كلّ كلمه منها حلوه
و أحلى لحظه حصلت ليّا وقت ما أنا لبّستك دبله
صوتها كمانجا عياطها ناي ضحكتها بيانو
بصّتلي و ضحكتلي و خطفتني فـ أنا نسيت كلّ اللّي كانوا
معرفش إيه بيحصلّي وقت ما غمّازاتها يبانوا
ده أنا بنسى أصلي و فصلي و قلبي بيخرج من مكانه
بعشقك بحبّ عينيكي و كلّ الناس شاهدين
دي ملاك و جت من السما متتقارنش بـ بني آدمين
بتيجي في بالي لمّا اتسأل حاجه حلوه بحرف الـ ش
أنا كده خلاص وقعت في حبّك من الدور الـ 20
في كلّ يوم بيعدّي حبّي ليكي يزيد
انتي صحابي و أهلي و من غيرك هكون وحيد
بحسّ بيكي تمّلي حتّى لو انتي كنتي بعيد
لمّا قابلتك قلبي قالّي أنا اتكتبلي عمر جديد
اغنية عمر جديد – زياد الدساس
Zeyad El-Dassas – Omr Geded
كلمات وتوزيع: زياد الدساس
المزيد من أغاني زياد الدساس
كلمات اغنية كده ارحم – زياد الدساس
كلمات اغنية خلاويص – زياد الدساس
كلمات اغنية احلى واحده – زياد الدساس
كلمات اغنية سفاح الجيزة – زياد الدساس
كلمات اغنية اخرتها كده – زياد الدساس