كلمات اغنية احلى واحده

كلمات اغنية احلى واحده للفنان المصري زياد الدساس بتتكلم عن فرحته وسعادته بحبيبته. الاغنية بتوضح ازاي غيرت حياته للأحلى وبقت هي كل حاجة ليه، ونور عيونه وسبب سعادته. كلمات احلى واحده مليانة مشاعر حب صادقة واهتمام كبير، بتعبر عن الحاجات الجميلة اللي بتحصل لما نلاقي حد نحب ونكمل حياتنا معاه.

كلمات اغنية احلى واحده زياد الدساس

النهارده أجمل يوم في حياتي عشان عرفتك فيه
مش عارف اوصف حاجه ولا لاقي انا كلام احكيه
ما الملايكه متتوصفش يعني زي البني ادمين
انتي أحلى شئ حصلّي في كلّ الدنيا دي
انا قبلك كنت حزين وكنت وحيد في وسط اللمّه
قابلت ناس كتير وكلّ الناس دي كانت سامه
انتي نور عينيا ما طبيعي ما كنت قبلك اعمى
نوّرتي كلّ حياتي اسمك فعلاً على مُسمّى

شروق لمّا بتضحكلي كلّ الدنيا تروق
نظرة عينيها خمره وانا سكران مش عايز افوق
نوّرت كلّ الضلمه وبوجودها انا بقيت مبسوط
مش ببالغ بس بجدّ لو بعدتي عنّي هموت
يا نني عين زياد يا روح وقلب زياد
الحلوه اللي مفيش منها اتنين عشانها يتفاتلها بلاد
لو حتّى روحتي لـ فين عمرنا ما هنكون بعاد
يا ام زين يا ماليه العين يا أجمل من كلّ البنات

معايا أحلى واحده تسوى الدنيا وتسوى ناسها
هفضل دايماً سندها وهفضل ضهرها وونسها
هفضل امانها وعمري ما هقدر ابعد عنها
ومهما المسافات هتفرّقنا محدّش غيرها يملى مكانها

من بدري بتمنّاكي يا أحلى حلم حلمت بيه
قلبي لمّا لقاكي حسّ الكون ده كلّه بين ايديه
بفضل اعيد وازيد في كلّ ڤويس نوت بتبعتيه
واللي يبصلك بصّه مش عاجباكي بـ ايدي اخزقله عينيه
ومن غير ليه حبّيتك حبّ محبيتهوش لحدّ
حياتي كلّها بقت وردي ولو غيبتي هتسوّد
آمنت بـ حبّ اوّل نظرة بعد ما قلبي بنظرة اتشدّ
ومعاكي اكتشفت ان دي اوّل مرّه احبّ بجدّ

دي ملاك من السما ولمّا جت خلّتني في هنا
محدّش هيحبّك قدّي انا محدّش يتقارن جمبها
معاكي عيشت أحلى سنه جمبك كلّ العمر اتبنى
وقلبي ده مبقاش ملكي ما خلاص انا سيبته هناك عندها
ياربّ تفضلّي جمبي لأخر عمري قولي امين
حبّك ده عايش فيّا ما انتي بتجري في الوريد
مهما كنتي بعيد وجودك عيد مع بعض مكمّلين
شكلي بحبّ جديد بحبّك من اوّل وجديد

كلمات اغنية اخرتها كده – زياد الدساس

اغنية احلى واحده – زياد الدساس

Zeyad El-Dassas – Ahla Wahda
كلمات وتوزيع: زياد الدساس