كلمات مهرجان طيبة زمان لعصام صاصا بيوصف شخص محطم وعنده جراح بسبب غدر الأصحاب وخيانة الحبايب، وبيتحول لشخص قاسي مع مرور الوقت بسبب تجاربه المؤلمة. بيتكلم في مهرجان طيبة زمان عن الألم والوحدة وعن اليأس من الصداقة والإخلاص في عالم مليان بالفساد والحسد، وبيوصل رسالة حزينة مليانة مشاعر متناقضة بين الحب والقسوة.
كلمات مهرجان طيبة زمان عصام صاصا
غايب ليالي عايش يا دنيا وحيد
أنا في حياتي زعلان وناري بتقيد
إيوه الجراح من الصّحبة بالتّحديد
بلقى مرازية أنا مهما كنت بعيد
اتحوّلت بقيت كائن شراني
وادمّرت كلّ البشر خنقاني
لمّا وقعت أقرب ما ليّا رماني
اتبهدلت أنا والزّمان شقاني
استبعاد لأي جرح قديم
واستبدال صاحب بقلب سليم
انتو بعاد والقرب منكم جحيم
دقيقة حداد على أي حدّ لئيم
فكّر في يوم لمّا تروح فلوسك
مش بتدوم وأقرب ما ليك هيدوسك
تنام وتقوم حلمك هيبقى كابوسك
لو مظلوم اضحك ماتلويش بوزك
صاحب النّاس وما تديش أمان
ما الأشخاص وقت الدّكن هتبان
مين عكّاز ومين خاين وجبان
حياة ألغاز وبتقسى عالغلبان
جراح كتير والكلّ قال مش قاصد
الخير قليل في وسط كوكب فاسد
صاحب عويل بعيونه دايما حاسد
هروح لفين في دنية المفاسد
فكّك يالّا دماغي مش طلباك
رامي البلا حلّك ماهش نقصاك
هتقول جلا أوّل ما أقول يا عراك
مش مرجلة تنسى اللّي وقفوا معاك
قلبي هقسّيه طيّب وهقلب جاحد
شعوري هلغيه حالف مش هرحم واحد
هاحبّكو ليه هقسى عليكو واتجاحد
أخاف على إيه ما كلّ حاجة أهي راحت
إيه يا ترى الدّنيا شايلالي إيه
دايرة افترا فأنا هبقى طيّب ليه
مين اشترى في يوم وأنا أبقى عليه
إيه اللّي جرى ملعون أبوك يا جنيه
طيبة زمان قتلتها بسكّينة
والجدعان قلّت وغدرت بينا
مين اللّي كان وقت العذاب جنبينا
إزّاي مكانّا وغريب بيطرد فينا
هان الغروب وشمس الحبّ غابت
حتّى حبيبتي قرّبت منّها سابت
وردة حياتي الوقت عدا ودابت
حبّها لسّه في قلبي بردّك ثابت
الإخلاص من وسطكو انقرض
خلصت خلاص والقسوة حكم اتفرض
صحاب رخاص لو لأجل سيط أو غرض
صحابنا يا ناس الغيرة فيهم مرض
كاتب كلام في مذكّرات حكاياتي
جرح وألم عن كلّ شيء في حياتي
وسط الظّلام بحكي ليّا يوميّاتي
لقيت أفلام مانا كنت على نيّاتي
مش فرفور بسهر ليلاتي مش نايم
قالوا مغرور قالو في غيابي شتايم
وبإذن اللّه ده أنا مش هقع ده أنا قايم
بيحاربوني علشان في نظري بهايم
مهرجان طيبة زمان – عصام صاصا
Tayeba Zaman – Essam Saasa
كلمات: عبده روقه
توزيع: كيمو الديب
المزيد من أغاني عصام صاصا
كلمات مهرجان اللي مني مجضاضني – عصام صاصا ومحمود الليثي
كلمات مهرجان اشبعو مني انا يمكن اموت – عصام صاصا
كلمات مهرجان اتربيت ع الاحترام – عصام صاصا
كلمات مهرجان انا مش غايب علشان اعود – عصام صاصا
كلمات مهرجان سامع كلاب بتنبح – عصام صاصا