كلمات مهرجان اللي مني مجضاضني غناء الفنانين عصام صاصا ومحمود الليثي بتتكلم عن شخص محبط وحاسس إنه لوحده وسط مشاكل وهموم كتير، بيدعي ربنا ينصره ويقويه وبيعبر عن الإحباط والحزن بس بردو عنده أمل إنه يقدر يتحمل ويتغلب على صعوبات حياته. اليكم كلمات اغنية اللي مني مجضاضني مكتوبة وكاملة.
كلمات مهرجان اللي مني مجضاضني
أيامي عبارة عن درويلة
وهمومي كثير أوّي بالكيلة
محطوط في الدوّامة لوحدي
وماحدش غيري شايل الليلة
انصرني يارّبي وقوّيني
ده أنا في الدنيا دي طالع عيني
متحمّل بزيادة فوق طاقتي
مابقولش لمخلوق إديني
اللي منّي مجضّضني
ع اللي شايفه يارب عيني
إيه يا ناس عايزين إيه مني
ده الغريب بيداوي جرحي
وانتو ليه كارهينلي فرحي
تهت مش عارف ملامحي
نفسي مرّة تكبروني
انتو ليه بتصغروني
لو يهودي هترحموني
انتو مش هتحسّوا خيري
إلا لما تعاشروا غيري
ياللي بعاملكو بضميري
من بوقي بشيلها وبديكو
ويا ريتو بيطمر يوم فيكم
جدعنتي بتترد أذيّة
وبتنسو اللي واقف جنبيكو
على حسّي الكل بيعرفكو
في حضوري وغيابي مشرفكو
لو مرّة ذكرتوا في يوم اسمي
الناس إجباري بتقدركو
بعمل اللي ما يتعملش
برضو منكم ما بتشكرشي
كله ليه ما بيفتكرش
باجي على نفسي وبعدي
لو في وسط النار بودي
وانتو دايما تقفوا ضدي
نفسي مرّة تفرحوني
ده الدموع سكنت عيوني
زي ما بشوفكم شوفوني
ليه بيحلالكم عذابي
إمتى كنت معاكم غابي
ده انتم حابين اكتئابي
لو تعرفوا إيه اللي بيحصلي
من اللي أنا بسمعه وبيوصلي
اللي انتو بتحكوه عليّا
ده بيسمع منكم وبيقولي
بالرغم إنكم فيكو وفيكو
مابطيقش اسمع كلمة عليكو
إمتى هتسلكو من جواكم
اكبروا ده أنا بتعاير بيكم
بتشوفوني على قد إيدكو
رغم إني جبل ساندكو
واحترمتو في ناس أذيتكو
فوقو ده اللي منيعني عنكو
إني محسوب حد منكو
لولا كده أنا كنت أهينكو
بطلو الكره افرحو لنا
ده احنا بنعافر بطولنا
ليه في رزقنا بتبصولنا
اللي رب العزّة ساندو
مستحيل مخلوق يعاندو
لو هتوقف الدنيا ضده
مهرجان اللي مني مجضاضني
Elly Meni Majdadni – Essam Saasa & Mahmoud Ellisy
غناء: عصام صاصا ومحمود الليثي
كلمات: مصطفي الجن
توزيع: كيمو الديب
المزيد من مهرجانات عصام صاصا
كلمات مهرجان اشبعو مني انا يمكن اموت – عصام صاصا
كلمات مهرجان اتربيت ع الاحترام – عصام صاصا
كلمات مهرجان انا مش غايب علشان اعود – عصام صاصا
كلمات مهرجان سامع كلاب بتنبح – عصام صاصا
كلمات مهرجان الدنيا قاسية – عصام صاصا