كلمات مهرجان رنو رنه غناء عصام صاصا وكيمو الديب توضح وجع القلب من غدر الصحاب وتغير النفوس، وتصور حالة الحزن والوحدة بسبب خيانة المقربين، مما يجعل القسوة حل وحيد لرفض الرجوع لمن خانوا العيش والملح وأصول الجدعنة.
كلمات مهرجان رنو رنه كامل ومكتوب
القلوب مليانة غل والوشوش بريئة
ولا بس بالأونطة إنتو منا دي الحقيقة
مش بخير
والسواد تحت العيون بقى كتير
المريض ما بقاش يفارق السرير
وضعه خطير
توهت مني
كل حاجة ضدي كله بيهاجمني
عايز أموت عشان بعيش أنا غصب عني
ده اللي كاسرني
ارحموني تعبت جداً
الهموم جرحتني فعلاً
هو لو سيبتوني مثلاً
مش هتلقوا حد تاني؟
من سنين بتمنى أفرح
مجروح بس عمري ما أجرح
بزرع الورود وبطرح
شوك في قلبي أنا أذاني
عيني عليا
لا عمر حد طبطب ولا حس بيا
والحياة زادت عليا المسؤولية
ودموع عينيا
ليل نهار
ببكي ع اللي حصلي أنا في وضع انهيار
عايز أفارق بس نفسي آخد قرار
لا مش هزار
شخص مات من كتر وجعه
والبشر والدنيا ضده
كله سابه آه لوحده
والحزن مسيطر عليه
الدموع سايلين بيجروا
ما بقتش تشيله رجله
حزنه جاب والله آخره
مستسلم وهيعمل إيه؟
رنو رنة
اعملوا بأي عيش وملح يابا منا
ولا بس بالأونطة إنتو منا
مش عالنا
والحقيقة
القلوب مليانة غل والوشوش بريئة
نفس جرح قلبي باختلاف الطريقة
دي الحقيقة
الكتاب عنوانه وجعي
والورق مكتوب بدمعي
والهموم بقت في طبعي
صعب أعيش من غير هموم
اللي صابني جوة قلبي
إن وجعي سببه صحبي
مش فاضلي غيري جنبي
فبقضي وقتي نوم
خلتوني
أبان ضعيف قدام الناس وتكسروني
انبسطتوا لما شفتوا دموع عيوني؟
طب فهموني
بس هنسى
حبكوا اللي أذاني وهستقوى وهقسى
مش هنرجع مش هيبقى ليكوا فرصة
أنا لازم أقسى
آه صحيح الحب أعمى
والفراق والبعد نعمة
إنتي حبك كان لعنة
كنت مستحمل برودك
حبي ليكي خلاكي إنتي
دوستي على قلبي وكرامتي
كنت قبلك زي ما إنتي
بس بقيت مش عايز أشوفك
بس بقيت مش عايز أشوفك
رنو رنة
اعملوا بأي عيش وملح يابا منا
ولا بس بالأونطة إنتو منا
مش عالنا
والحقيقة
القلوب مليانة غل والوشوش بريئة
معلومات اغنية رنو رنه
Rano Ranna – Essam Sasa & Kimo El Deeb
غناء: عصام صاصا وكيمو الديب
كلمات: أحمد حمتو
توزيع: كيمو الديب
أغاني أخرى لـ عصام صاصا
يا صباح عنابي – عصام صاصا
انا الزعيم – عصام صاصا
كلها مستنظره – عصام صاصا
ملوك ساقت كارها – عصام صاصا
اخواتك مين بيصرف معاها – عصام صاصا
