كلمات اغنية كلها مستنظره غناء عصام صاصا، بيتحدا فيها كل اللي مستنيين وقوعه وبيقولهم إنه لسه مسيطر ومكمل رغم غيرتهم منه وبيرد بقوة على أي حد بيفكر يقلل منه أو يقلده وبياكد إنه شقي وتعب كتير عشان يوصل للي هو فيه دلوقتي ومبقاش فارق معاه كلام الناس.
كلمات مهرجان كلها مستنظره عصام صاصا
كلّها مستنظرة
عايزني أرجع ورا
عايزين يخلّصوا مني عشان شايفني عامل شوشرة
بس أنا ولا بعتمد
جُم مع واحد لَمِض
مزاولكو ومرازيكو فحقّي عليكم أتني وأتفرد
بتلقّح بس مبهتمّش
عشان أنت تمامك تتهمّش
في هدوئي وطيبتي متتخمّش
علشان بتحوّل لما أقفش
مجنون وظايط في الظيطة
أنا وشّو عملتوه خريطة
لا ده أنا شايف خلق مريضة
قولي إزاي هعاديك
وأنا مش مستعنيك
فرق السما والأرض
أنا أصلاً من بدري معدّيك
اسأل شات GPT
عاللي عايز تعاديه
هيقولك ده بلاش متخطرهاش وتحكّها فيه
أنا بندبك هل تسمعني
ولا أنت قاطع ودنك يعني
اتلحلح يلّا وشجّعني
يا هوقّعك يا توقّعني
بلّمت وهتموت مِ الخوف
مال شكلك وشك مخطوف
على وشك خد 6 كفوف
قبل السابع مش هتشوف
ربنا ما يورّيك
قلبة وشّي عليك
خلّيك حلو عشان متشوفش جنان ومقلّش بيك
أنت حيلك مشدود
طول ما أنا مش موجود
واما تشوفني تكشّ يبان ع الوشّ إنك مخضوض
هشرب على روحكو اتنين ريدبول
يا كلاب بلدي ياريتكم بيتبول
حواراتكو عليّ دي مش اتدّخل
قاطع إنها كلّها بتمثّل
جدعنتي هلفّها وأشربها
دي خسارة في حد يجرّبها
قعدتكو بقيت مستصعبها ودماغي مبقتش بتطلبها
إخواتنا الخطرين
اللي علينا طايرين
خفّوا الطيران حبة عشان مش طالبة بقا يا تنانين
عيشوا ع الأرض معانا
عشان السما مليانة
ولا خلاص كلّها واثقة في نفسها ومعاها حصانة
كلّها عايزة تشوفني مريّح
بس أنا فايق ليكو ومصحصح
ولا هرجع خطوة ولا أتزحزح
ومجعبد في الطارة ومتنّح
ما تصفّي النية يا أراجوز
ده أنت أصفر من قشر الموز
كلّما أنجح تلوي البوز
ده أنا شقيان مش جاية حظوظ
مهرجان كلها مستنظره – عصام صاصا
Kolaha Mestanzara – Essam Sasa
كلمات: محمود سوستا
توزيع: إيهاب كلوبيكس
المزيد من أغاني عصام صاصا
بالحب تخطي الخطوه – عصام صاصا
شيلوا عينكم من علينا – عصام صاصا
ملوك ساقت كارها – عصام صاصا
إضرب يا كينج – عصام صاصا