كلمات مهرجان مركب أوجاع لعصام صاصا وكيمو الديب فيها إحساس بالوجع والفراق، بيحكي عن الألم اللي بيجي بعد البعد عن حد غالي. الكلمات صريحة وتوصل المشاعر بدون تعقيد، كأنها فضفضة من القلب عن الوحدة والذكريات اللي بقت وجع. اللحن بيزود الإحساس بالحزن، ويخلي المستمع يحس بكل كلمة وكأنها جزء من حكايته. مهرجان مركب أوجاع بسيط لكنه بيلمس القلب ويعبر عن مشاعر ناس كتير.
كلمات مهرجان مركب أوجاع عصام صاصا
كنت في بالي
ولا مرّة وأنا بعيد عنك شلتك من بالي
وأنا نفسي أحكيلك أخويا بعدك إيه جرالي
بعدنا عن بعض ده هو الموت بالنّسبه لي
مش عايز أفتكر الماضي لأنّ الماضي كئيب
أحداثه سودا منيله ما فيهوش وقت وترتيب
اللّي مصبّرني شويّه إنّ الحزن نصيب
بس أنا نصيبي مخدتش منه غير الأحزان
ما أخدتش من دنيتي غير ذلّ وغير حرمان
وعيوني بتلمع ودموعي بتنزل فيضان
مركب أوجاع
والبحر غريق والمركب ما فيهوش حتّى شراع
مستنّي اللّحظة اللّي هموت فيها وأنزل في القاع
مليون دوّامه هنغرق في جميع الأوضاع
والرّؤيه ظلام
مش رؤية عيني دي رؤيتي لحياتي والأيّام
أنا قصّة عمري دراما أكتر من الأفلام
وآخرها لا يمكن أفرح أنا فرحة همام
مدمن أنواع وبخلّط كلّه في كلّه وأشدّ
أنا عارف إنّ الخط نهايتي يا ناس بتشدّ
بس أنا شايف قدّامي بيبان ياما بتتسدّ
فحبست مشاعري رابطها خلاص ما بقتش بحسّ
دمعت عيني بسكتها بتنزل أقول لها بسّ
لمّا أنا بحتاج أتكلّم أروح لمرايتي وأبصّ
أو أروح للكيف
اللّي مخلّيني محسّش إنّ أنا حدّ ضعيف
وبقت مش فارقه معانا أنا وحش ولّا نظيف
بيدفّي الجسم وبلبس شتوي في عزّ الصّيف
وهو الإدمان
أنا عارف إنّه طريق بالشّر يا ناس مليان
طب ما أنا كنت فايق لكن دايمًا أنا زعلان
فلقيت حاجه أهرب بيها من الهمّ ومن الأحزان
بتقولي عليّا حنين متأكّدة من حبّي
وماحدّش غيرك أصلا سبب وجع قلبي
واللّه ما كنتش عايز حاجه أنا عايزك جنبي
بس أنا غلطان علشان بيّنت إنّ أنا مهتمّ
فبقيت بديكي الحبّ قصّاده تديني السّمّ
أنا فيه ناس ياما حبّتني وأنا اللّي اخترت الهمّ
وحاولت كتير إنّي أغيّرك لكن ما نفعش التّغيير
ما هو برضه إزاي أنا أبدّل شرّ وأخلّيه خير
مش شايفة إنّك غلطانه وشايفة إنّ أنا شرّير
وما حبّتنيش
وشفتيني ضعيف مش قادر بعد فراقك أعيش
ترجعي وقت ما ترجعي وتسيبي وماتقولّيليش
وجع القلب ده مش سهل وإنتي مابتحسّيش
كنت في بالي
ولا مرّة وأنا بعيد عنك شلتك من بالي
وأنا نفسي أحكيلك أخويا بعدك إيه جرالي
بعدنا عن بعض ده هو الموت بالنّسبه لي
كنت ما بهداش
واللّه حياتي من غيرك أصلا ولا تتعاش
وإنت ياعمّ الدّنيا في غيبتك دنيا ما تسواش
إنت أجدع أخ عرفته في زمن اسمه الأوباش
مهرجان مركب أوجاع – عصام صاصا
Markab Awja3 – Essam Sasa
كلمات: أحمد حمتو
توزيع: كيمو الديب
المزيد من مهرجانات عصام صاصا
مهرجان محكمة ودخلنا على المفرمة – عصام صاصا
مهرجان أنا البطل – عصام صاصا وعنبه
مهرجان الضرب على العيون واجب – عصام صاصا
مهرجان في زنزانتي – عصام صاصا
مهرجان إحنا ولاد الشمس – عصام صاصا