كلمات اغنية ملك الساحة لحسن شاكوش فيها حماس وثقة جامدة، كأنها بتقول للكل “أنا هنا وأقوى من الكل”. الكلام فيه تحدي وعظمة، بيحكي عن الهيمنة وسط المنافسين، وكأنه إعلان إنه اللي مسيطر على الساحة. اللحن سريع يشعل الجو ويخلي الواحد يدخل في مود القوة والسيطرة. مهرجان ملك الساحة بتديك إحساس إنك في وسط معركة وكله واقف يتفرج عليك وانت اللي بتكسب.
كلمات اغنية ملك الساحة حسن شاكوش
لو عايز تعرف أنا مين
أنا ملك السّاحة من سنين
أنا جنبي مافيش معلّمين
كلّه بيتساق
بلعب ع الكيف وع المزاج
نازل وفي إيدي قرن عاج
أنا اسمي عاملكوا إزعاج
علشان حرّاق
أهلا بالخصم إلّي ندبني
أنا جاهز وسلاحي في جنبي
هفرك مطوتي وهنزل نزلتي
وفي قلب الشّق فيكوا هعبّي
غربلة على الكلّ هضلمها
غدّارة خصومي وهعدمها
مافيكوش مظبوط وأخركوا الصّوت
ودماغكوا بإيدي هدمدمها
أنا حجمي يغطّي ع التّقيل
في اللّعب أساسي مش بديل
أنا بكسب والزّبون يشيل
مش لاقي لاعيبة
إبعد يا حليتها من هناك
أنا لعبي معدّي مستواك
ماتجيش عشان ماجيش معاك
وأقلبها مصيبة
في عينيكوا الشّر ليا بان
أنا جيت ومحاصر المكان
على إسمي وسيطي من زمان
بغلب أفندينا
حضّروا كام فرقة وإجهزوا
أتخن ما فيكوا هعجّزوا
هتسلّى عليه هأزأزوا
أنا هاخده رهينة
جالكوا إلّي بينزل يكسبها
ولو حدّي بطولي أنا خاربها
ع الكلّ كبير ناس ياما كتير
ع الرّف راكنها بأدبها
أنا بدّي الهلفوت على وشه
واللّه أنا بلمحه بنزل أهشّه
شادّد أجزائي عشان أعدائي
دبّور زنّ على خراب عشّه
اغنية ملك الساحة – حسن شاكوش
Malik Al Saha – Hassan Shakosh
كلمات: حسام عبد الواحد
الحان: حسن شاكوش
توزيع: إسلام ساسو
المزيد من أغاني حسن شاكوش
اغنية بموت ولا حد جمبيا – عمر كمال وحسن شاكوش
اغنية تعالالي حبيبي الليلة – حسن شاكوش ومي عمر
اغنية اللي خانو في عيني ماتو – حسن شاكوش
اغنية اه يا ناري – حسن شاكوش وعمر كمال وحمو بيكا
اغنية قطر جيلك – عمر كمال وحسن شاكوش