كلمات اغنية بموت ولا حد جمبيا لعمر كمال وحسن شاكوش بتعبر عن وجع الوحدة والخيانة من أقرب الناس. الأغنية بتوصف حال شخص تعبان ومخنوق من اللي حواليه. الأداء الشعبي القوي للفنانين حسن شاكوش و عمر كمال بيخلي اغنية بموت ولا حد جمبيا توصل بكل إحساسها وتلمس قلوب الناس، اليكم الكلمات مكتوبة وكاملة.
كلمات اغنية بموت ولا حد جمبيا
بموووووت ولا حد جمبيا
تعبان جالى حالة نفسيّة
مخنوق أنا مين حاسس بيّا
دا فى عزّ مانا تعبان أنا مين سأل فيّا
أصحاب زي الدّيكور زينة
إخوات ولا حد جمبينا
أحباب منّا وبتأذينا
مكتوب علينا نتخان من أقرب مالينا
مين كان شكر مين افتكر ردّ الجميل
كلّه اتنسا كلّه اتنكر عيني ع الأصيل
دانا كلّ خيري رايح لغيري طول السّنين
هعاملكوا ميري وأركن ضميري يا غدّارين
مين اشتراني مين كان عشاني
فكّر دقيقة
أقرب ماليّا مسألش فيّا
مهي دي الحقيقة
دا فى عزّ تعبي سابوني وحدي
فى وقت ضيقة
أنا ليّا طار وفى قلبي نار
بتأيّد حريقة
حبّيت قلبي وجّعني
ضحّيت وحبيبي باعني
خلّصت القصّة يعني
على نفسي جيت وياريت مخلوق نفعني
موجوع مين حسّ بيّا
مخدوع فى أقرب ماليّا
أسبوع دبّلت عنيّا
أنا نفسي بس من التّفكير أرتاح شويّة
الذّنب ذنبي طاوعت قلبي من البداية
العيب فى طيبتي ولّا في حبيبتي إيه الحكاية
آخرت حنيني ضاعت سنيني ودي النّهاية
حكم النّصيب ملقاش حبيب يكمل معايا
إيه اللّي فارق كلّه فارق مين فاضلي
مبقاش فى حد واقف معايا غيرك يا ضلّي
الغدّارين مستهونين بلّي حصلي
مبقتش أنام أصعب كلام
منهم وصلي
تفاصيل اغنية بموت ولا حد جمبيا
Bamoot Wala Had Gambeya – Omar Kamal & Hassan Shakosh
غناء: حسن شاكوش وعمر كمال
كلمات: مصطفى الجن
ألحان: حسام الشامي
توزيع: إسلام ساسو
المزيد من أغاني عمر كمال وحسن شاكوش
كلمات اغنية قطر جيلك – عمر كمال وحسن شاكوش
كلمات اغنية ولاد موت – عمر كمال وحسن شاكوش
كلمات اغنية في داهية – عمر كمال وحسن شاكوش
كلمات مهرجان انا العريس – عمر كمال وحسن شاكوش
كلمات مهرجان لغبطيطا – عمر كمال وحسن شاكوش