كلمات مهرجان بالحب تخطي الخطوه غناء عصام صاصا وكيمو الديب، بتتكلم عن شاب محبوس وبيحكي قد إيه اتخذل من ناس باعوه أول ما فلوسه راحت، وبيوصف وحدته جوه السجن وغضبه من أخصامه، وبيوعد أنه لما يطلع هيحاسب كل واحد ويبدأ من جديد بقلب اقوى.
كلمات مهرجان بالحب تخطي الخطوه
مسجون أنا مش متخيّل
إني أكون يابا بين كام عيّل
أنا مش للدّرجة دي قليل
متفوّقوا وشوفوا أنا مين
أنا هادي بصبر وبعدّي ودادي
لكن تنكش ع العادي
هردم اللّي يجي قصادي
فوّقوا يا مساجين
بالمطوة حافر في الحيطة
كاتب أنا بين خلق حويطة
موقعي موجود على الخريطة
مسجون بين الأخصام
زنزانة اسمعي خلّيكي سمعانة
كلّ المخاليق ظلمانة
أمّا أنتي اللّي حبسانة
بجدّ حرام
بالحبّ تخطّي الخطوة
هنا كام ألف في حيطة متحوّطة
تيجي في جولة هسيب المطوة
هلعب ويّاكوا بقطر
بروحين بيفوّق في الحلوين
اللّي عاملين مساجين
بلا نيلة ده أنتم أيطين
مفيكمش خطر
ع المصلّب أنا ربّعت
لفّيت جوب وفيه ولّعت
ومن لكّ المساجين صدّعت
شدّوا السوستة بلاش هري
أنا دوغري استكت الحرز في رجلي
أنا بشرب كيفي ده مهري
هتعوزني هتيجي على حجري
هتيجي يلّا جري
اليوم بيعدّي بسنة
شوف كام سنة قضيتهم هنا
مين زارني وأنا في المطحنة
أو يوم افتكر الخير
ولا واحد، الكلّ اتحوّل جاحد
النّاس كانت تلجة وساحت
أوّل يابا ما فلوسي راحت
بقوا مساعير
يا شويش متقول للظابط
إنّه يحنّ يحلّ الرابط
أنا من غلّي في أخصامي خابط
ومعرّفهم مين أنا
تظلمني وما بين أندال بتسبّني
وسّطيتو خلّيتو يغلبني
لو كنت مكانك يا بني أخاف ربّنا
هتهون مش هطوّل
هطلع يابا إنسان متحوّل
كلّ واحد من اللّي زمان فاول
هيحاسب على مشروبه
ما هي بانت
شدّتي سابتت ناس خابت
على ورا منّي يابا جابت
كلّها جت عندي وتابت
عرفوا يتوبوا
من الآخر نو كومنت
أنا غلطتي من الأوّل صنت
أنا لو كنت غدرت وخنت
كنت هعيش عيشة ملوكي
بسّ أنا معرفش غير الجدعنة
لو هتخان مليون سنة
مغدرش اصحى يا عمّنا
يا دنيا باعوكي
لو ترجع أيّامي بيّا
مش همشي مع أصحاب مؤذية
ولا واحد يابا خد بإيديّا
بالعكس سابوني بعاني
ياما أنا ميّت من جوّايا
ولا واحد شفته ورايا
إلّا أنا لاقيته معايا
ربّنا نجّاني
سجّان أوعاك تتعبني
أو عند الباشا مرّة تجيبني
فيه حاجات بايخة مش بتعجبني
وأنا حابب أعدّل فيها
إرشاد مساجين عند الظبّاط
والأوضة كلّها إخوات
إرشاد ممنوع حكايات
إحنا ولاد جيهة
مهرجان بالحب تخطي الخطوه
Bil Hob Takhti Al Khatwa – Essam Sasa & Kimo El Deeb
غناء: عصام صاصا وكيمو الديب
كلمات: شمس الناسف
توزيع: كيمو الديب
المزيد من أغاني عصام صاصا وكيمو الديب
نفسيا غير صالح – عصام صاصا وكيمو الديب
جرح ساده لـ عصام صاصا وكيمو الديب
مش مهتم لـ عصام صاصا وكيمو الديب