اغنية حاجات جوايا لأمير عيد بتعكس حالة من الحيرة والصراع الداخلي اللي ممكن أي شخص يعيشها. الكلمات بتصور مشاعر متضاربة وأفكار غير مرتبة، كل ده بأسلوب أمير عيد اللي يخليك تندمج مع الأغنية وتحس إنها بتعبر عنك. اغنية حاجات جوايا تعتبر من الأعمال اللي بتمس النفس البشرية بعمق وصدق.
كلمات اغنية حاجات جوايا أمير عيد
وشّي للبار وضهري للمكان
مش قادر ناس مش قادر ع الكلام
تمام برمي السّلام
لكن ده ميمنعش إنّي زهقان
عاوز شوشره بدون أيّ احتكاك
أنا عاوز حبّ كبير مش قادر ارتباط
أنا عاوز لمّه عشان لمّا بروّح
دماغي بترقّصني بفكّر في حاجات
حاجات جوايا أنا لسّه مش عارفها
حكايات وقصص كتير أنا لسّه بألّفها
حاجات جوايا أنا لسّه مش عارفها
حكايات وقصص كتير أنا لسّه بألّفها
سألني إنت مين قلتله بحاول أكون أنا
لعبت أنا ونفسي لعبة الأسئله
والحقيقه النّتيجه كانت مُذهله
مُخجله شويّه لكن هحكيلك
بحبّ الموناليزا عشان النّاس بتحبّها
بس الحقيقه عمري في يوم ما فهمتها
عندي شويّه مبادئ لكن متجزّئه
عندي مشاعر فاضل تكّه وتبقى ملزّقه
بضحك ساعات في السّينيما على ضحك ناس
بس الحقيقه الفيلم غبيّ مفيهوش أحداث
بعمل حاجات كتير محفوظه مش مفهومه
حبّيت عشان حاجات كتير غير الإحساس
حاجات جوايا أنا لسّه مش عارفها
حكايات وقصص كتير أنا لسّه بألّفها
حاجات جوايا أنا لسّه مش عارفها
حكايات وقصص كتير أنا لسّه بألّفها
الطّريق قصّادي بس السّبق مش سباقي
العالم ده متساق مش عايز منّه حاجه
النّاس بتجري حافظه ماشيه ورا الباقي
عالم كلّه كدّاب أكتر من الخواجه
مش مهمّ مش مهتمّ
لسّه مش لاقي الحلم اللّي يصحّيني
المهمّ خلّيني احكيلك
خلّيني احكيلك شويّه عن
حاجات جوايا أنا لسّه مش عارفها
حكايات وقصص كتير أنا لسّه بألّفها
اغنية حاجات جوايا – أمير عيد
Lyrics Hagat Gowaya – Amir Eid
كلمات وألحان: أمير عيد
توزيع: أمير عيد و شريف مصطفى
المزيد من أغاني امير عيد
كلمات اغنية روكسي الفصل الثالث – امير عيد
كلمات اغنية حب تحت الانشاء – امير عيد
كلمات اغنية روكسي – امير عيد
كلمات اغنية اروح لفين – امير عيد ودنيا وائل