تعبر كلمات اغنية روكسي (الفصل الاول) للفنان امير عيد عن شعوره بالملل والحيرة. فهو يريد شوشرة بدون احتكاك ويبحث عن حب كبير لكنه لا يستطيع الارتباط. كما يشعر أن هناك أشياء جواه لا يعرفها وقصص كثيرة لا يألفها بعد، وبيحاول يفهم نفسه والعالم حواليه وبيبحث عن معنى للحياة.
كلمات اغنية روكسي امير عيد
وشي للبار وضهري للمكان
مش قادر ناس مش قادر عالكلام
تمام برمي السلام
لكن ده ميمنعش أني زهقان
عاوز شوشره بدون أي احتكاك
أنا عايز حب كبير مش قادر ارتباط
أنا عاوز لمه عشان لما بروّح
دماغي بترقصني وبفكر في حاجات
حاجات جوايا أنا لسه مش عارفها
حكايات وقصص كتير أنا لسه بألفها
سألني أنت مين قلتله بحاول أكون أنا
لعبت أنا ونفسي لعبة الأسئلة
والحقيقة النتيجة كانت مذهلة
مخجلة شويه لكن هحكيلك
بحب الموناليزا عشان الناس بتحبها
بس الحقيقة عمري في يوم ما فهمتها
عندي شويه مبادئ لكن متجزئة
عندي مشاعر فاضل تكة وتبقى ملزقة
بضحك ساعات في السينما على ضحك الناس
بس الحقيقة الفيلم غبي مفيهوش أحداث
بعمل حاجات كتير محفوظة مش مفهومة
وحبيت عشان حاجات كتيرة غير الإحساس
حاجات جوايا أنا لسه مش عارفها
حكايات وقصص كتير أنا لسه بألفها
الطريق قصادي بس السبق مش سباقي
العالم ده متساق مش عايز منه حاجة
الناس بتجري حافظة ماشية ورا الباقي
عالم كله كذاب أكتر من الخواجة
مش مهم مش مهتم
لسه مش لاقي الحلم اللي يصحيني
المهم خليني أحكيلك
خليني أحكيلك شويه عن
حاجات جوايا أنا لسه مش عارفها
حكايات وقصص كتير أنا لسه بألفها
قلتلها اسمك إيه قالتلي ليه
قلتلها عادي أنا حاسس أن في
بيني وبينك حاجة ومش هنخسر حاجة
ده غير أنك جميلة جمال أنا بفهم فيه
إيه رأيك ياسمك إيه نمشي من هنا
ونعيش أنا وأنتي يوم لنفسنا
أنا ممكن أكون أي حاجة تحبيها
بكرة تنسيها عادي مفيش عندي مشكلة
اعتبريني مانيكان لبسيني أي شخصية
بقالي فترة زهقان محتاج لحد حوالية
ونفسي أتشاف ياسمك إيه وأتأكد أني موجود
عايز مشاعر حتى لو مش حقيقية
مش لازم نعرف أي حاجة أو نشوف
ونعمل حساب لبكرة والظروف
ماتيجي نعيش العمر كله وكأنه ليلة
وبكرة لما يجي نبقى نشوف
قلبي بيضق بسرعة طيخ طاخ طوخ
جوايه حب وأنتي جوه منك خوف
والعمر بيجري بسرعة يا حبيبتي
ما تسيبي القلب يفكر بدل النفوخ
اعتبريني مانيكان لبسيني أي شخصية
بقالي فترة زهقان محتاج لحد حوالية
ونفسي أتشاف ياسمك إيه وأتأكد أني موجود
عايز مشاعر حتى لو مش حقيقية
قلتلها اسمك إيه قالتلي ليه
قلتلها عادي أنا حاسس أن في
بيني وبينك حاجة ومش هنخسر حاجة
ده غير أنك جميلة جمال أنا بفهم فيه
اغنية روكسي – امير عيد
كلمات: غير معروف
ألحان: غير معروف
توزيع: غير معروف