كلمات شيلة هادم اللذات اداء الجفراني بتعبر عن فخر القبيلة وقوتها وشجاعتها في مواجهة التحديات، وبتوضح مدى التكاتف والوحدة بين أفرادها وقدرتهم على التغلب على الصعاب بإصرار وشهامة. شيلة هادم اللذات بتركز على الاعتزاز بالأصول والانجازات البطولية للعائلة.
كلمات شيلة هادم اللذات الجفراني
انقل الأحداث بالصّوت والصّوره
المحاريف القديمه بجدّدها
في عجب عين بن جخدب وجمهوره
القريحه حضرت لي فرايدها
معشر الشّعار كلٍ ومقدوره
لين ابيدها وابيد قصايدها
فيه ناس مستطيشه ومغروه
ماتشوف الدّرب لين نتهبدها
يخزم الطّايش ويبرك على زوره
في تقاليد قحطان وعوايدها
لابة من فايت زلّت عصوره
سادت وزادت ولا احد تسيّدها
نشعل الحرب ونواديه وسبوره
ندقم العدوان لازاد زايدها
خلقت العربان اكابر ومكبوره
وقحطان من اكبر الرّوس واعندها
اعرف ناس لاذالحين مقهوره
اتخلّتنا وتنصب مكايدها
وحن هل الوقفات ماحن هل البوره
واهل سلومٍ هل العرف تحمدها
وفي المزاين كلّ عام لنا ثوره
نحيي قدّام النّواميس باجددها
يتقدّم طايلٍ طالت شبوره
اعتزى باسم القبيله ومجدها
كلّ عام يرفع الرّاس بحضوره
سيرته في صفحة المجد خلّدها
لازمى الزّامي وطى فوق صرصوره
لين يحلف له معاد يتعوّدها
اعرف عيد ابوفهاد وسروره
ساعة تكبر ويكثر معاندها
قلت خصمك كلّبوهم في طابوره
قال والله خير الأيّام واسعدها
يرسمون احلامهم فوق صبّوره
وهادم اللّذّات جاها وبدّدها
من يقارن راسه براس الأسطوره
انتهى تاريخه وراح مع يدها
لوصياحه من سنه شقّ حنجوره
والجماهير الغفيره يواعدها
جاه ابوفهاد واختلّت شعوره
واعذر من رمّاح وابغض صياهدها
ياولد فهاد رايتك منصوره
وانت زيزوم السّرايا وقايدها
ودّي احطّ الجماهير في الصّوره
هذا كنق اهل النّظر وامتسيّدها
حربةٍ في كبود الأخصام مسموره
والضّحايا كلّ عامٍ يزوّدها
يعتزي باللي مساعيه مشكوره
اصوك لاهاب غيره يوردها
فهد اللي يوخذ الشّور من شوره
فيه هقوتنا وساع بنايدها
اليمين تجود والكبد ممروره
يجهر وجيه العدا مايهدّدها
ياولد فهاد الأخبار مشهوره
وانت معلنها من العام واكّدها
شوط شلفا الوضح لمضيم محصوره
دام ابوفهاد صرّح وعمدها
في الصّياهد ننصب بكلّ مصطوره
نخبوياتٍ غترنا قلايدها
كلّ وضحاً فارع مالها جوره
كنّها تمشي ورا من تسندها
قوس وجه وكبر هامه ومذعوره
ماهي بخنبا نظرها تحت يدها
الفعل يبغى بطل مثل الأسطوره
لو منصّة الأكس تمدح مغرّدها
شيلة هادم اللذات – الجفراني
Hadim Al Lathat – Al Jufraani
كلمات: عبدالرحمن معيض الحبابي
المزيد من شيلات الجفراني
كلمات شيلة عقيد الشداد – الجفراني
كلمات شيلة ياهل المجاهيم – الجفراني