شيلة عقيد الشداد أداء الجفراني بتوصف الشجاعة والتحدي اللي بتعيشها القبائل العربية والفخر بالتراث والوقوف في وجه التحديات بكل عزة وثبات. كلمات شيلة عقيد الشداد بتبرز قوة العزيمة والإرادة اللي بتميز أفراد القبيلة، وبتحكي عن التضحيات والبطولات اللي بتخلد في الذاكرة وكل ده بأسلوب شعري فخم يعكس الأصالة والتراث.
كلمات شيلة عقيد الشداد الجفراني
الموآل
ياهل المجاهيم قافيكم صباح وهجاد
ويومن يجدّد فعول إيامنا الأوله
اللي يبي شوطنا يحلم بحلو الرقاد
ميقافنا عسر والبيرق يعرف ابطله
واللي على نخبة النخبة سيوفه حداد
عليه قرعينا وإنّا علينا ازعله
ماينثي للشداد إلا عقيد الشداد
عودن ليا من نوى بالخصم مايختله
مكبرن هقوته وقفت طيور الهداد
من حطّهم محزمٍ له مالحقه ازمله
العود مطنوخ هامه والمشاري سداد
من وقعها صار في بعض الخصوم جفله
صاروا مثل قول ابن عبّاس فهل الجهاد
إن حاربوا مشكلة وإن عودوا مشكلة
القصيدة
ياالدواسر هل البل ورث جيلٍ لجيل
أبشروا بالعلوم اللي عليها طراه
لو تحالف عميل ضدّنا مع عميل
اطمهنوا وراس إبليس فوقه حصاه
ذخر لاد الحريجي فالمقام المهيل
نادرن يبهج زحول الدواسر نباه
لا زمى حلفهم والزند ناش الفتيل
اعتزا اخو هيا واخلف ضنون اخصماه
مثل ما العام صرّح جعل عمره طويل
قال ناموسكم في ذالشنب واحتماه
أبوناصر يقول وفعله أكبر دليل
أبشروا بالسعد مادمت فوق الحياة
اذخروني وانا براك سيفٍ صقيل
في عجب عينكم يعمي عيون العداه
بسمكم جنبي يداحم ومتني يشيل
ولاتوصون راسٍ مايبي له وصاه
المجاهيم حلم أصحابها مستحيل
من بغى الرقم الأول باحتزم واحداه
غير شوط الموحّد فيه شوطٍ بديل
ومن تهقوا على النخبة بنقطع رجاه
قوّة العزم أهم من النظر والوكيل
علم اللي يصرّح من خلاه لخلاه
مايكبر عمود الهوش غير الذليل
لاحدن يواعد بغايب وندهن ثواه
مانهوز المنافس ياقلال الحصيل
فعلنا يُنشب لسان العدو في جماه
بين عظمٍ طويل وبين خفٍ ثقيل
عندنا كل فردي غاليٍ مشتراه
جابها اللي يقول إن الخساير قليل
فوزكم يابني عمي هو أكبر غناه
قبل جرد الرقاب أمات عظمن جليل
احتمى أرقاب ربعه تحت سيف الصفاه
ياطويق الجبل حول الحسا والجبيل
للدواسر طويقٍ تستظل بذراه
أشهد إنك حزامٍ يالحريجي جليل
يتنومس بذكره لابته وأصدقاه
كل أميرٍ عزيز وكل شيخٍ فضيل
دام مثلك خويي ماحسدت اخوياه
والله إنك أطيب الشيخان وأوفاء خليل
والله إن لك رفيقٍ ماتغير وفاه
وصاحبك من على الهقوة مايمكن يميل
واثقٍ بك وعندك واثقٍ من غلاه
حاول يرد من بعض الجمايل جميل
وجاه منّك جميلٍ ماتدور جزاه
جعل يفداك من كفّه تمد الهزيل
دايمن لك على عسر المواقف جراه
ماخلق في مسامير الأشدّه بخيل
من سنين المجاعة حسب قول الرواه
يوم عند العشاير للأصايل صهيل
وعزوة سلالات الملطوم سقم الطغاه
جدنا اللي حكم مارب وظلّه ظليل
واشمل لنجد يلطم من لقى في نحاه
لو ومرّه الله وللشام شد الرحيل
ديّن إبليس والكافر ركع الصلاة
ذخر خطلان الأيدي ممنين الدخيل
ربعي اللي لهم فالمجد وجهٍ وجاه
في نحا خيلنا كم من صويب وقتيل
كل حفٍ نسمي بالهضاب اعقداه
جيشنا ينطح القالات لو هو قليل
مثل جيش الشريف اللي كسرنا شباه
استرح يـ مجنّا وارسخي يا نخيل
بمن خطلان الأيدي مدبين الطغاه
شيلة عقيد الشداد – الجفراني
Aqeed Al-Shaddad – Al-Jafarani
كلمات: سعد بن محسن الدوسري
أداء: الجفراني
المزيد من شيلات الجفراني
كلمات شيلة ياهل المجاهيم – الجفراني