كلمات اغنية فيكي سر غناء ليل المحمدي بتحكي عن قصة حب ساحرة، الفنان بيحكي عن بنت غيرت حياتة وجعلته ينسى كل الماضي. الأغنية مليانة إعجاب وهيام، زي ما بيقول: “اسرقيني من حياتي.. دخليني في دنيتك”، وبتعبر عن دهشة العاشق أمام جمال حبيبته: “فيكي سر أنا معرفوش.. من غير كلام بتطمني”. اغنية فيكي سر رومانسية هتخليك تحب تسمعها كتير.
كلمات اغنية فيكي سر لـ ليل المحمدي
اسرقيني من حياتي
دخّليني في دنيتك
زادت التّوهه فطريقي
عايز امشي ف سكّتك
شايف معاكي فبكره نور
طيبتي بإيدكي الكسور
ماهو لو مكنتيش أنتي حور
ازاي وصلت لجنّتك
صالحتني بيكي الدّنيا تاني
خلاص مسامح ع اللّي فات
أوّل ما جيتي القلب نوّر
بنت غير كلّ البنات
اقسمي التّفاصيل معايا
نبتدي سـوا مـ البدايـه
واسمعي شعري وغنايا
لسّه هحكي كتير حاجات
فيكي سرّ أنا معرفوش
من غير كلام بتطمّني
بتهدّي قلبي ازاي عنيكي
في لحظه لمّا تبصّلي
ياخير عملته واتنسىٰ
ورجعلي فيكي اتردّلي
خلّيكي جنبي العمر كلّه
كمّليني وأكمّلك
صالحتني بيكي الدّنيا تاني
خلاص مسامح ع اللّي فات
أوّل ما جيتي القلب نوّر
بنت غير كلّ البنات
اقسمي التّفاصيل معايا
نبتدي سـوا مـ البدايـه
واسمعي شعري وغنايا
لسّه هحكي كتير حاجات
اغنية فيكي سر – ليل المحمدي
Lil Elmohamedy – Fiky Ser
كلمات: هبة علي
الحان: تيام علي
توزيع: صابر ڤان بيرسي
المزيد من أغاني ليل المحمدي
اغنية ما تيجي نركن الزعل – ليل المحمدي
اغنية ياللي ناسيني – ليل المحمدي
اغنية توأمي – ليل المحمدي
اغنية انتي الونس – ليل المحمدي
اغنية وش السعد – ليل المحمدي