اغنية وش السعد للفنان ليل المحمدي بتعبر عن قوة الحب اللي بيخليك تشوف الحبيب كأنه كل شيء في الحياة. الكلمات بتحكي عن الإعجاب الشديد بالحبيب، وكيف إن الحب بيزيد كل يوم مش بيقل. ليل المحمدي قدّر يوصل مشاعر العشق والتفاني بطريقة مؤثرة. اغنية وش السعد بتخلّيك تحس إن الحب هو أجمل حاجة في الدنيا.
كلمات اغنية وش السعد لـ ليل المحمدي
ظلموكي لمّا قالوا إن أنتي للقمر شبيه
قمر ده إيه اللّي يتقارن حبيبي أنا بيه
لو جيت أكتب كلام عنك بحتار أنا إيه
لو هحكي شريط حياتي إنتي أحلى حاجه فيه
مش عارف إيه اللّي بيحصل فيّا لمّا تنادي إسمي
بحسّ إن الأدرنالين بيجري جوّا دمي
يا كلّ حاجه ليّا إنتي بنتي وإنتي أمّي
عايز أقولك إن أنا مجنون بيكي رسمي
حبّي كلّ يوم يزيد صعب يجي يوم يقلّ
حتّى لو مفيش جديد عمري منك يوم ما أملّ
لمّا أكون مخنوق بيبقى حضنك إنتي هو الحلّ
ده إنتي وش السّعد لمّا جيتي الخير معاكي هلّ
صعب نتغيّر في يوم صعب نبقى زيّهم
يا ربّ الضّحكة تدوم على وشك يا ستّهم
أحلى حاجه فيكي هي إنّك غيرهم كلّهم
حبيبتي حبّنا صعب يستوعبه عقلهم
بيحسدونا ونفسهم يشمتوا مرّه فينا
مستنيّنا نبعد وبيتمنّوا الشّر لينا
بس اللّي بنا أكبر منهم ربّنا حامينا
يا ربّ أبعدهم عنّا ومن عيونهم تدارينا
مفيش في الكون ده كلّه حاجه تخلّيني أخسرك
ده أنا أهدّ الكون كلّه لو في مرّه زعلك
بحبّك آه بحبّك دايب فيكي وبعشقك
أنا لو هتمنّى حاجه هتبقى إنّي أبسطك
حبّي كلّ يوم يزيد صعب يجي يوم يقلّ
حتّى لو مفيش جديد عمري منك يوم ما أملّ
لمّا أكون مخنوق بيبقى حضنك إنتي هو الحلّ
ده إنتي وش السّعد لمّا جيتي الخير معاكي هلّ
صعب نتغيّر في يوم صعب نبقى زيّهم
يا ربّ الضّحكة تدوم على وشك يا ستّهم
أحلى حاجه فيكي هي إنّك غيرهم كلّهم
وأنا وإنتي حبّنا صعب يستوعبه عقلهم
اغنية وش السعد – ليل المحمدي
Lil Elmohamedy – Wesh Elsaad
كلمات: ليل المحمدي
الحان: ليل المحمدي
توزيع: صابر ڤان بيرسي
المزيد من أغاني ليل المحمدي
كلمات اغنية اغراب – ليل المحمدي
كلمات اغنية هتعرف قيمتي – ليل المحمدي
كلمات اغنية مصدوم – ليل المحمدي
كلمات اغنية عشوائي – ليل المحمدي
كلمات اغنية بتخيلك – ليل المحمدي