كلمات اغنية فارس أحلامي لعمر كمال من مسلسل “وتقابل حبيب” بتحكي عن حالة حب استثنائية وشخص حالم لاقى أخيرًا نصيبه اللي بيعوضه عن تعب السنين. اغنية فارس أحلامي مليانة دفء، بتعبر عن الامتنان للحبيب اللي كان سند وداعم في أصعب الأوقات. كلماتها بتمس المشاعر بشكل عميق، وصوت عمر كمال بيكمل الإحساس ده بإبداعه وأدائه.
كلمات اغنية فارس أحلامي لـ عمر كمال
أنتَ عِوَض الدّنيا ليّا
اللّي جه يطبطب عليّا
وفرحة كانت متشالة ليّا
عشان تعوّضني اللّي فات
رزق جالي واتقسملي
حظّ من طيبتي ابتسملي
داوي جرحي ولمّ شملي
وصحّي جوّايا اللّي مات
وقت ضعفي كنت سندي
كنت ضهري وكنت مددي
فرحة بتنسّيني وجعي
حتّى لو كان إيه تاعبني
وقت خوفي وقفت جنبي
شيلت عنّي سندت قلبي
والوحيد اللّي في مشاكلي
عمره يوم ما اتخلّى عنّي
أنتَ فارس أحلامي اللّي حلمت بيه
ليلي لقي قمره اللّي بيهوّن عليه
وأنتَ جنبي مش شاغلني الجيّ إيه
أنتَ بالعالم دا كلّه واللّي فيه
أنتَ حالة استثنائيّة أقول فيك إيه
هو في كده حد حلو الدّنيا فيه
قلبي وأنتَ معايا مين يقدر عليه
حد زيّك مافتكرش بجدّ فيه
بعت كلّ النّاس عشاني
واشتريت راحتي وأماني
في وقت كان غيرك أناني
وهمّه نفسه وروحه بس
صنتني واخترت صفّي
وكنت قوّتي وقت ضعفي
وكفّ إيدك كان في كفّي
في كلّ لحظة خوف ويأس
حد من غير خوف نصّفني
وبأرقّ كلام وصّفني
وبعنيه الحلوة شافني
الملاك أبو روح جميلة
فرحة وسط الحزن هلّت
دنيتي وأيّامي حلّت
والكسور جوّايا لمّت
بعد صبر سنين طويلة
أنتَ فارس أحلامي اللّي حلمت بيه
ليلي لقي قمره اللّي بيهوّن عليه
وأنتَ جنبي مش شاغلني الجيّ إيه
أنتَ بالعالم دا كلّه واللّي فيه
أنتَ حالة استثنائيّة أقول فيك إيه
هو في كده حد حلو الدّنيا فيه
قلبي وأنتَ معايا مين يقدر عليه
حد زيّك مافتكرش بجدّ فيه
اغنية فارس أحلامي – عمر كمال
Fares Ahlami – Omar Kamal
كلمات والحان: عمرو قطب
توزيع: وسام عبد المنعم
المزيد من أغاني عمر كمال
كلمات اغنية الفرح فين سكته – عمر كمال
كلمات اغنية أندال وعارفينهم – محمود الليثي وعمر كمال
كلمات اغنية ست البنات – عمر كمال وشيماء المغربي
كلمات اغنية زمن زمن – محمود الليثي وعمر كمال
كلمات مهرجان افتحو كتاب الجمايل – حمو بيكا وعمر كمال