اغنية ست البنات لعمر كمال وشيماء المغربي بمناسبة “عيد الحب” بتعبر عن الحب والرومانسية بين الحبيب وحبيبته. الأغنية بتوصف جمال الحبيبة وثقتها بنفسها وإزاي بتحقق تأثير كبير على اللي حواليها. بتتكلم عن الراجل اللي بيشعر بالسعادة والحب بسبب وجودها في حياته، وبيعتبرها علاج لاكتئابه وراحة من ألمه.
كلمات اغنية ست البنات لـ عمر كمال
بتشوفها بطلة أفلام
لفّة على نجمة سيما
الدّلع عدّى الكلام
ضحكتها وش كريمة
وثقة في نفسي ومش غرور
نسخة واحدة مفيش منّي
إنت بس الباقي يغور
إنت بس إلّى شاعلني
وسّع يا ابني لستّ النّاس
إلّى دلعها مجنّني
أأمريني وأنا أجيبلك ماس
فداكي العين والنّني
كلامك حلو منّه بدوب
أنا مش عارفة أقولك إيه
إيوة أنا راضية بالمكتوب
إنت إلّى بسند عليه
حبّيت أنا حبّيت
وخلاص اشتريت
أنا بيكي اكتفيت
يا ستّ البنات
إنتي علاج للاكتئاب
إنتي راحة من العذاب
لمّا شوفتك الحزن غاب
والفرح داب
عشّاق أنا عشّاق
إنت إلّى بتمنّاه
روحي وحياتي فداك
يا أجمل إحساس
أسيبك إيه
ما صدّقت لقيتك
اتعلّقت بيك حبّيتك
هو ده عمري ما نسيتك
إنت الأساس
على كيفيك واعملي ما بدالك
هتغلّطتي وقتي وفيّا
بيني وبينك سوا نتعاتب
مرّة عليكي ومرّة عليّا
على حسّك إنت ادلّعت
يسلّملي وجودك جانبي
لو مرّة يعني غلطت
إنت حبيبي طمّني
إلّى يزعّل خاطرك يوم
أو يعمل حاجة تضايقك
عيني لا تنام ولا تدوق النّوم
غير لمّا أجيبلك حقّك
أنا عارفاك طبعك مجنون
وبقولها بكلّ صراحة
بس عليك أنا عمري ما أهون
وفي قلبك خدت مساحة
حبّيت أنا حبّيت
وخلاص اشتريت
أنا بيكي اكتفيت
يا ستّ البنات
إنتي علاج للاكتئاب
إنتي راحة من العذاب
لمّا شوفتك الحزن غاب
والفرح داب
عشّاق أنا عشّاق
إنت إلّى بتمنّاه
روحي وحياتي فداك
يا أجمل إحساس
أسيبك إيه
ما صدّقت لقيتك
اتعلّقت بيك حبّيتك
هو ده عمري ما نسيتك
إنت الأساس
أنا عارف إنّك شغلاهم
علشان فوق ومعدّيا
اعملي نفسك مش شايفاهم
ده بيتعبهم نفسيّا
هاتي يا روحي في سيرتي كتير
واتكلّمي أكتر عنّي
كلّ كلامك له تأثير
مش شايفاكي ولا يشغلني
دي إلّى تقول للقمر قوم
وتقعد هي مكانه
ما إنتي مجرّة وهمّا نجوم
دول جنبك صعب يبانو
شايفة يا صفرا وصلتي لفين
من كتر النّار والغيرة
مش مرتاحة على الجانبين
دي الحالة صعبة وخطيرة
اغنية ست البنات – عمر كمال
Sit Al Banat – Omar Kamal & Shaimaa Al Maghribi
كلمات: حماقي
ألحان: عمر كمال
توزيع: اسلام ساسو
المزيد من أغاني عمر كمال
كلمات اغنية زمن زمن – محمود الليثي وعمر كمال
كلمات مهرجان افتحو كتاب الجمايل – حمو بيكا وعمر كمال
كلمات اغنية احنا البلد – عمر كمال وعبد الباسط حمودة
كلمات اغنية اه يا ناري – حسن شاكوش وعمر كمال وحمو بيكا
كلمات اغنية قطر جيلك – عمر كمال وحسن شاكوش