كلمات اغنية فضناها يارا محمد بتتكلم عن وداع الناس اللي ما تستحقش وجودها في حياتها، وبتوصفهم بالكذب والنفاق، وبتقول إنهم طمعوا في طيبة قلبها وخدعتها كلماتهم الفارغة. اغنية فضناها بتنقل احساس الندم على التعامل معهم وبتشرح قوة الشخصية التي قررت إنها تخلص من الناس السلبية وتبدأ حياة جديدة مع أشخاص يستحقون محبتها.
كلمات اغنية فضناها – يارا محمد
مع السلامة مش غيابكم
دا اللي يسيب علامة
الباب يفوت 100 مع ألفين سلامة
علينا ناس ملهاش أساس
وعملنا منهم حاجة
من غيرنا حبة كذابين
ولا يسوا حاجة
طلعتوا فخ وكله نفخ
كلام ومن غير فعل
طلعتوا سكة وكله فكة
وملكوش أي سعر
فضيناها خلصنا يابا
لمه عالفاضي وخيابة
اتعاملنا اوي بطيابة
طمعتوا فينا كتير زمان
خدت درس وخبرة من الدنيا وعلام
اللي بفلوس تشتريه هيبيع أوام
هتشفوني بوش تاني
واللي ياما زمان أذاني
بكره ييجي في يوم يعاني
دي الحياة ملهاش امان
الكذب هايل
واللي شايل لسه سواد وغيره
أما الصفار والنفسنه دي بقت كتيره
خلصت خلاص
حبة رخاص وعملنا ليهم قيمة
باختصار خدت القرار
هبعد دول ناس لئيمة
طلعتوا فخ وكله نفخ
كلام ومن غير فعل
طلعتوا سَكة وكله فكة
وملكوش اي سعر
فضيناها خلصنا يابا
لمه عالفاضي وخيابة
اتعاملنا اوي بطيابة
طمعتوا فينا كتير زمان
اغنية فضناها – يارا محمد
كلمات: محمود فهمي
الحان: عمرو زكي
توزيع: طارق عبد الجابر