كلمات مهرجان فوقت - حمو المرشدي

كلمات مهرجان فوقت غناء حمو المرشدي تحكي عن شاب واجه مصاعب الحياة لوحده بدون مساعدة حد، بيبعد عن صحاب المصلحة ويركز على طريقه بمجهوده، ليتعلم حماية نفسه ومستقبله بعد ما فاق من الخداع.

كلمات مهرجان فوقت مكتوب كامل

سايِقها ومِش بكلكس
في عَين الحَسود بَخمس
بَشيل حَديد بعَقلي
حتّى بُصّ لِساني فيتنس

اللي فات أونْطه
واللي جاي شَنْطه
مِتقولش بالأُخوه
عشان هَقولك كُلّه بيزنس

مَجَتْش بالسُّهوله جِبتها بدِراعي
مِسابِق العَقارِب إكمني حاوي الأفاعي
مِش طَمعان في المُكافأة
أصْل المُنْتج ده بتاعي
بَلعب بعَقل ناصِر بَسّ بتِنقِذ رِفاعي
رَدّ فِعْلي عالي زيّ ال Ak47
ع الأرْض لِسّه واقِف كُلّه تَحت يُدفَن
أُمّ دون بَجيبها جُون باك وَرد حتّى اسأل بوفون
واللي مَكالْش مَعانا بُكره نِهضِمه بسِفن

صالِح بَقا طالِح بَقا ضِدّ البَشر
شاف بعينو ياما حتّى قَلبو اتكَسَر
مَفيش حاجه في سِكّتو فيها انتَصَر
بَقا إِنسان غَريب بَقا بياخُد الحَذَر

فُوقت للرّساله بَسّ بَعد الأوان
فُوقت للزَّماله اللي جَمبي في المَكان
فُوقت من الزّباله اللي فيها من زَمان
وفُوقت لنَفْسي قَبل ما نَفْسي تِوقَع وتِتهان

نِميرو في البريمو مورو مِش هَتلاقي غيره
حَمو الباتشينو في ضَهْر زَميلو الدّانيرو
بيبَنرولنا ياما والنّبير أنا صاحيلو
أبْيَض ع اللي سالِك غير كِدا هو وضَميره

عُنصُر المُفاجأه أني فَجأه بَقيت مُهِمّ
أيّ اللي كان ناسيني دِلوقتي هَريني رَنّ
أيّها كائِن حَرام تَعيب على الزَّمَن
والبَشر شايف أنَّ الكِدب دا فيها فَنّ

حَبيبي اللي قالي راح وقالوا زيّ ما قالّك
لَقيت زَمايلي قَلّو تِقَل أصْلك أصْلي قَلّك
تِضُرّنيش بشئ باشا أنتَ شئ أصَحّ قَلّك
مَعنديش وَقت ليك فابُصّ مِتقوليش بَقولك

ظُروفك مَهما تِبقى صَعب تِبقى لُون ظُروفي
الصُّبح ع العَمَل لِحَدّ ما اخشَنّت كُفوفي
مافيش في جيبي كاش لكِن دُوستي جِديده نُوفي
يَوماتي للعَجوزه أقولها بُكره تِشوفي

ياما أُمّال إيه مِش قُولت لِك بُكره أبقى بيه
طُول عُمري راضي ياما واللي جاي راضي بيه
ماهي يُوم مافيش ولو صَبَرت تِلقى فيه
من صُورة ع المُوبيل لأشْهَر نَجم ع التّيفي

ع السّالِك خَمسه وَرد وعالخايِن أرْض أرْض
إخْواتي في أيّ حِتّه في أيّ وَقت في أيّ أرْض
هِتشِدّ كارت واحِد تِلقى فِرقه جُوّه كارت
جِبنا تَلاته بُونط أخْطَر جانج إن زا وَرد