كلمات اغنية اسند ضهرك واقعد لعصام صاصا وعنبه اغنية مهرجانات حماسية فيها تحدي واضح وثقة بالنفس بصوت عالي. الكلمات مليانة تهكم ورد مباشر، وبتعكس شخصية بتفتخر بقوتها وسط منافسين بيقلدوا. الأغنية بتمزج بين الأسلوب الشعبي والراب، بإيقاع سريع وكلام جريء بيشعل الحماس. لو حابب تشوف كلمات مهرجان اسند ضهرك واقعد مكتوبة، تابعها لحد الآخر من هنا.
كلمات اغنية اسند ضهرك واقعد
أسند ظهرك واقعد
تتفرّج على عمّك
بس قبل أمّا هتقعد
أنا جاي أحرّق دمّك
أنا حافظك وقاريك
ما تحورش عليّا
يا ابني أنا مربّيك
خد بصّلي في عينيّا
ابلع خد دي
لو جاي منك فأنا هرازيك
أنا الكاريزما أنا الكبير
جامد وشيك بطل تغيّر
غل زيادة منّي
وده باسطني
أكتر شيء عاجبني
إن أنا عاجبني
عينك باصة ليّا وبتراقبني
ارحمني شويّة وحلّني يا ابني
إحنا جينا كلّه يريح
والله يكبر مش هيروح
إحنا لسّه مريحناش
وسط عالم كلّه مريح
اللي فات يدوب تسخين
واللي جاي مفيش له مثيل
إحنا لسّه على وضعنا
هنسكت أي تخين
اللي انا شايفة من عينيك
إن أنا كبير عليك
طيب بالعند فيكم
هفضل قاعد مرازيكم
خدوني صورة وبروزوها
على الحيطان وعلّقوها
قولوا ده الكبير بتاعنا
بوسوا فيها واحضنوها
أنا جيت أي حتّة يالا
أنت اتخضّيت وشك كلّه قلب
أبطالكوا فين
الأبطال دي ورق
من نظرة عين
كلّه منّي اتحرق
اللي عجبني فيّا
اللي فيّا مش بقولوا
العناب في الملعب
فضّوا له سكّة ووسّعوا له
عنده خمسة وستّة جنبه بقوا يطبّلوا له
اهدا بس خمسة فوق يا لولو
متجيش تعمل بطل
اوعى تسوق الهطل
من دماغي مسحك
كارت الميموري فصل
مش ماشية بشياكة
مش هتمشي عسل
كلّه جنبي اختفى
العناب اللي فضل
في كل حتّة لينا بصمة أو علامة
محبوب جوّه قلوبكم أنا إقامة
الصاصا صعب زيّه في يوم أنك تلاقي
أمّا أنا لو دورت منكم كتير هلاقي
اغنية اسند ضهرك واقعد
3enba – essam sasa – Esned Dahrak W Aq3od
كلمات: castelo
الحان: عنبة
توزيع: ميلو