اغنية اللي فات دفنتوا غناء امين خطاب بتعبر عن واحد قرر يبعد عن الناس اللي خانوه وغدروا بيه. الاغنية بتتكلم عن إنه عاوز يبدأ من جديد ويعيش حياته براحة بعيد عن النفاق والخيانات. كلمات اغنية اللي فات دفنتوا بتوضح قوة الشخص وإزاي مش ندمان على اللي فات وبيحاول يعيش بسلام وراحة بال.
كلمات اغنية اللي فات دفنتوا امين خطاب
الحياه دي فيلم بس فيلم مخيف
والشارع وحش ومش عايزني نضيف
اليومين دول الخيانه صبحت كيف
عيش وملح إيه يعم بلا تخريف
أنا خدت جنب وبعدت عن أشكالكو
هبعد بقى وأسيبهالكو
وبلاها حتى سؤالكو
ياريت تنسوني
دنا طول حياتي عايش بقدّر فيكو
على نفسي أنا مبديكو
دنا جرحي كان ب إيديكو
ودمّرتوني
اللي فات دفنتو واللي جاي فوقان
اللي سابني سيبتو عادي مش ندمان
طظ ف اللي يمشي غار و فضّى مكان
دا الواحد ف بعدو عنكو شاف روقان
النحس فك بعد اما كلو فارقني
دا وجودكو كان مضايقني
مبقاش في حد فارقلي
وعادي يا خال
الحمدلله ع السمعه و ع السيره
أحسن من ناس كتيره
مليش ف طبع الغيره
أنا ابن حلال
قلبي طظ فيه و كرامتي فوق الكل
حب بس إيه ف داهيه لو هتذل
عمري ما أقبل إن حد بيا يقل
حقّي باخدو وقتي عمري يوم ما بحل
صعبان عليا عمري اللي ضاع علشانكو
وإزاي مجتش ف بالكو
كنت ف عنيا شايلكو
إزاي تنسوني
ضحّيتو بيا أول ماجتلكو فرصه
أما إنتو عالم ناقصه
كان ليكو معزّه خاصّه
لكن بعتوني
ميّزت نفسي واختارت راحه بالي
قرّرت أعيش مع حالي
وبقيتو بالنسبالي
ماضي وعدى
طريق السلامه والباب قصادكو فتحتو
ريحتو كدا وارتاحتو
والله مهما عملتو
أنا عمري ما هرضى
اغنية اللي فات دفنتوا – امين خطاب
Elli Fat Dafantou – Ameen Khattab
كلمات: محمود سوستا
توزيع: دولسي برودكشن
المزيد من أغاني امين خطاب
كلمات مهرجان ربك مديني قبول – امين خطاب
كلمات مهرجان احفاد هتلر – امين خطاب
كلمات اغنية ابن عز – امين خطاب