كلمات مهرجان ربك مديني قبول غناء امين خطاب، بيحكي إنه عايش حياته بتحدي وثقة كبيرة وبيعرف يتصرف في المواقف الصعبة، وبيحكي إنه بيعرف يعامل خصومه بذكاء ومش بيهمه اللي يقولوا. كله بيتكلم عن الجدعنة والصحبة واللي بيعملوه علشان بعض. اليكم كلمات مهرجان امين خطاب ربك مديني قبول مكتوبة وكاملة.
كلمات مهرجان ربك مديني قبول امين خطاب
سايبك بهواك وخيالك
في التليفون اعمل ما بدالك
أنا مش أحلّك وبقولهالك
ياض مش جدع اللّي يبرطع
لو بطّل اوصفلي مكانك
ابعتلي لوكيشن عنوانك
دلوقتي وقعت على ودانك
ألو ألو والصوت بيقطّع
لو ع الحكايات مش فارقة
ما بهبّش لا سكّينة ولا طلقة
أنا على حقّي قتيل والجرأة
من يومها بتجري في دمي
كلمة وركّز في حروفها
الكلمة دي خلّيها بظروفها
أنا بلمح أخصامي بظروفها
بخبّط علطول ما بسمّي
سيسي والتقسيم العمومي
أوعى تعوم يا زميلي على عومي
ابعد عنّي أنا ببدأ يومي
بدكن وعراك ومشاكل
المسا لأجدع رجّالة
مؤمن العبد أبو أصالة
عبدو العبد أبو زين سندلة
والجاي على الأيد واكل
من أجل رغيف العيش
اللّي اتاكل أحارب جيش
تقصدني في حاجة ما أجليش
الطبق اللّي بيحكمنا
طول ما نتا جدع وصافيلي
تبقى رقبتي فداك يا زميلي
بعتني على نفسك مسيلي
هنساك وانسى اللّي ما بيننا
سهران وچواني في إيديا
والكانزايا ما بين رجليا
والأمورة بتبصّ عليّا
وأنا بلاغيها على الرايق
السكر طلب بالحلوة
هخرج بيها يا هعمل بلوة
كلمة في كلمة مختش غلوة
نفّذت في ظرف دقايق
كلمتي واحدة ما تنيتها
بالعافية وبالذوق مشيتها
أخصامي قاعد قدّام بيتها
بالشورت وبالقطاية
خلصانة معايا بحصانة
متجوش على سكّتي خسرانة
كلّها تشهدلي بجدعنة
في البلد اتقل عضماية
سندال متربّى في حارة
تنكشني هتولّع بإشارة
جاي في توكتوك مش طيّارة
مش أنا اللّي تشوفني خليجي
على واحد غيري روح اكرف
إنت معايا مش هتعرف تصرف
أنا بارد وممل ومقرف
ما في حد معايا بيجي
ربّك مدّيني قبول
بدخل قلب الناس علطول
عارفك من نحيتي مغلول
وتملّي بتاكلك منّي
ياخرابي ع الباربيكيو
دا مولّع ياجماعة طفّوه
مع بعضنا طب يلّا اتفوّه
مين إنت عشان تشغلني
أخويا وبتشرّف بيه
نصّي التاني برقبتي أفديه
زعلو أكيد مقدرش عليه
دانا أهد الدنيا عشانو
على حسّو أنا ماشي بتدلّع
أنا أخويا واجهة وصيطو مسمّع
مع بعضنا دايماً نتجمّع
توينزي وفي القلب مكانو
سمّوني البابا في مجالي
عنّي بتتكلّم أعمالي
مش شاغل بالي بأشبالي
دول حبّة مبتدئين
مهما تشبّو مش هتطولو
أنا نجم آخركو تبصّولو
كلّو يركّز في اللّي بقولو
ريحو تتقارنو بمين
كلمات مهرجان احفاد هتلر – امين خطاب
تفاصيل مهرجان ربك مديني قبول – امين خطاب
Rabak Madini Qabul – Amin Khattab
كلمات: مصطفي الجن
توزيع: امجد الجوكر