كلمات اغنية بنسى الأيام للفنانة مي مصطفى، بتوصف وجعها من الوقت اللي بيعدي وهي مش شايفه قدامها غير الهم بتسأل بكرة بيشيل إيه تاني وهل الجرح بيطيب ولا لسه فيه فراق ودموع هي تايهة في ذكريات ناس غالية عليها ماتو وفاكرة إن الدنيا جاية عليها بزياده ومفيش أي راحة خالص.
كلمات اغنية بنسى الأيام لـ مي مصطفى
بنسى الأيام
إمبارح كان إيه
وبكره هيبقى إيه
مش فارقة هيحصل إيه
ماهو كل يوم بآلام
بنسى الأيام
وعمّالة تلفّ بيّا
بتجيب وتودّي فيّا
وبتسرق أغلى ما ليّا
من غير أيّ استحرام
إيه بقى في الأيام
بكره جراح ولا آلام
في همّ جديد يا دنيا
ولا هتموت أحلام
بكره الجرح يطيب ويلمّ
ولا هيكوي وينزف دمّ
بكره المرّ ولا السمّ
ولا هلملم أحزان
بكره فراق ولا دموع
ولا هبات قلبي موجوع
بقى عادي ليه الموضوع
وكأنّي مش إنسان
بنسى الأيام
ومش راضية عليّا تهدى
وديماً مطر وباردة
لو حنّت مرّة واحدة
تقلب سنين قدّام
بنسى الأيام
وبنسى نفسي ساعات
وأحنّ لحدّ مات
وتاخدني الذكريات
للناس القدّام
إيه بقى في الأيام
بكره جراح ولا آلام
في همّ جديد يا دنيا
ولا هتموت أحلام
بكره الجرح يطيب ويلمّ
ولا هيكوي وينزف دمّ
بكره المرّ ولا السمّ
ولا هلملم أحزان
بكره فراق ولا دموع
ولا هبات قلبي موجوع
بقى عادي ليه الموضوع
وكأنّي مش إنسان
اغنية بنسى الأيام – مي مصطفى
Mai Mostafa – Bansa El Ayam
كلمات: محمد السعيد ممدوح
ألحان: محمد السعيد ممدوح
توزيع: جيزو
المزيد من أغاني مي مصطفى
حبيبي زعلان مني ليه – مي مصطفي
احوال ماتسرش حد – مي مصطفى