كلمات اغنية أيها المواطن لأصالة نصري من ألبوم “ضريبة البعد” بتقدم رسالة قاسية وواقعية لحبيب غادر واتظاهر بالسعادة بعد الفراق. الأغنية حزينة، فيها عتاب لاذع ونبرة قوة، وكأنها خطاب مفتوح مليان ألم وخيبة أمل. لو حابب تقرأ كلمات أيها المواطن مكتوبة أو تعرف النص كامل، تعالى نكتشفه سوا.
كلمات اغنية أيها المواطن لـ أصالة نصري
أيّها المواطن السّعيد
ياللّي فرحان بالحبّ الجديد
واللّي كان معايا
برضه مبسوط بالحكاية
وامّا جيت احتاجته جنبي.. كان بعيد
أيّها المواطن الشّجاع
اللّي وقت الجدّ خان وباع
روح
عيش ده كلّه تاني
خون وبيع وكون أناني
بس آخرة كلّ ده هتكون ضياع
نحيطكم علماً بإنّك متّ في نظري
وإنّ معاك ضاع عمري
وإنّ حياتي وأنا جنبك كانت معاناه
نحيطكم علماً بإنّك مش سعيد
وتتدّعي الفرحة في حبّك من جديد
كبيرها يومين والفرحة دي تقلب مأساه
أيّها المواطن الحنون
اللّي حبّي ليه اتشاف جنون
خسرت عليك رهاني
كنت عملت إيه عشاني
غير وجع قلب وقسوة وتخييب ظنون
نحيطكم علماً بإنّك متّ في نظري
وإنّ معاك ضاع عمري
وإنّ حياتي وأنا جنبك كانت معاناه
نحيطكم علماً بإنّك مش سعيد
وتتدّعي الفرحة في حبّك من جديد
كبيرها يومين والفرحة دي تقلب مأساه
أيّها المواطن العنيد
بالشّكل ده هتعيش وتموت وحيد
ياللّي في الخيانة ليك مكان وليك مكانة
بكره تتوجّع وبكرة مش بعيد
اغنية أيها المواطن – أصالة نصري
Assala Nasri – Ayuha Al-Mowaten
كلمات: محمد الشرنوبي – منة شومان
ألحان: محمد الشرنوبي
توزيع: تيم
المزيد من أغاني أصالة نصري
أحبك أكرهك
مش وحشة
ضريبة البعد
كلام فارغ
ذبحت رأس الظلم