كلمات اغنية مش وحشة لأصالة نصري من ألبوم “ضريبة البعد” بتمزج بين القوة والعتاب، وبتحكي عن ست حست بقيمتها بعد الفُراق. الأغنية رومانسية بنكهة حزينة، فيها رد صريح على ندم الحبيب، وكلام يؤكد إنها كانت أهم ما حصل له. لو حابب تشوف كلمات مش وحشة مكتوبة أو تقرا الكلام كله، تعالى نبدأ مع بعض.
كلمات اغنية مش وحشة لـ أصالة نصري
أنا مش وحشة
أنا ستّ النّاس اللّي انت عرفتها ف حياتك
ومعاها عرفت نجاحك ده وإثبات ذاتك
أنا أجمل قصّة اتكتبت ف تاريخ حكاياتك
أنا كنت الشّمس اللّي منوّرة ليل غلطاتك
أنا كنت الفرصة اللّي انت سنين اتمنّيتها
الحاجة الحلوة ف رحلة عمر انت مشيتها
مش مرحلة سهل تقول إنّك يوم عدّيتها
وأنا أكتر واحدة هتندم إنّك حبّيتها
انت إيه زعلان يا حرام
لا صعبت عليّا حرام
بيقولولي إنّك ندمان
يا حرام يا حرام
شكلك اتغيّر يا حرام
انت مش بتنام؟ يا حرام
حتّى لون وشّك بهتان
يا حرام يا حرام
أنا مش وحشة
أنا طاقة القدر اللّي انت حلمت كتير بيها
أنا سكّة خير كان نفسك يوم تجري عليها
ياما إترجّيت علشان تعرف إيه يرضيها
واللّي هتفضل عمرك كلّه بتحلف بيها
أنا راسي ل فوق ف السّما زي النّجمة بعيدة
سهل تعدّيك وتكون بعدك واحدة جديدة
وتقولك عادي اتشرّفنا وفرصة سعيدة
ياحرام أنا عارفة إنّ الصّدمة بجدّ شديدة
اغنية مش وحشة – أصالة نصري
Assala Nasri – Mesh Wehsha
كلمات: محمود عادل كلازا
ألحان: د. مصطفى العسال
توزيع: محمد مصطفى
المزيد من أغاني أصالة نصري
ضريبة البعد
كلام فارغ
ذبحت رأس الظلم
لو حصل
أنت يا بطل