كلمات شيلة اتجاهل واتغافل أداء خالد ال بريك بتجمع بين الحكمة والتحدي في مواجهة الزمن والمواقف الصعبة. الأغنية فيها اعتزاز بالقوة والصبر، وده واضح في “اتجاهل واتغافل ماورا صدري كميته، واتحدى واتصدى للمواقيف بـ إراده”، اللي بتحكي عن التعامل مع الأيام بصلابة وثبات. اغنية اتجاهل واتغافل مليانة روح العزيمة والشموخ.
كلمات شيلة اتجاهل واتغافل لـ خالد ال بريك
ياهبوب الشعر هبّي لا استوى الليل وسريته
هاضني لحن المساري والهوا ذعذع براده
هاجس الحربي لا غنّا يلفت الأنظار بيته
مايقدّم للعرب ياكود ما يرضي فؤاده
مرتفع دايم طموحي ابتديت ولا انتهيته
ولا اصدّق من يقول ان البساطه بالسعاده
أتجاهل واتغافل ماورا صدري كميته
واتحدّى واتصدّى للمواقيف بـ إيراده
واتفكّر واتأمّل فالزمان ولا شنيته
حاله يحيّر لبيب العقل لو كمّل رشاده
كم هقيت وكم هقيت وضاع كلّ اللّي هقيته
تكبر الهقوات به واثره مكبّر للوساده
ادري ان الادمي ما ينفعه لوّه وليته
وادري ان الوقت قاسي والزمن يقدح زناده
ما كسبت الا رجالاً كلّ طيباً محتويته
ولا خسرت إلّا ضعيفين الروابع والإراده
راكب اللّي من مضارب حرب لا منك عطيته
تطربك فيه الأناقه والرساوه والقياده
لكزساً ينفض حساب البنك لا منك شريته
قيمته قيمة عماره نص مليون وزياده
مقعده كرسي وزارة والفخامه في موكيته
لا قفيته زول ريم ولا نطحته عين غاده
أشهد أنّه راس مالاً ما تبيعه لا قنيته
مركب أصحاب السمو ومركب أصحاب السعاده
يعترض خطّ الرياض ويسري الساري بـ ليته
لا وصل للعاصمه شرقيّها يلقى مراده
مقصده شيخاً ينومس لابته لا من نصيته
يفتخر به كلّ حربي ماهو بحاجة شهاده
الشعر في طاري المطنوخ يزهى لا بنيته
مايلحقّك الملام ومايلحقّك النقّاده
يا سلام الله على العمري وتاريخه وصيته
شيخ قوماً بالمراجل ما ترجّل عن شداده
بنك حرب مويعزيً يعتزي لامن نخيته
فزعته تجلا ظلام الليل وتزحزح سواده
اليمين مويعزيه والحمايا مستميته
والطناخه تدفعه ياخذ على الجزله رياده
فاتحن صدره لضيفانه وجوّاله وبيته
ما نطق لا في حياته غير لا قال الشهاده
ياعسى يفداه رجلاً لا بغيته ما لقيته
لا غدت دنياك في عينك كبر عين الجراده
يا علي وش ما بقى بالطيب شي وما خذيته
بالكرم والجود والفزعات لك فعل وقياده
كم مكسوراً جبرت وكم معسوراً قضيته
ماخذن فعل الجمايل كنّها عندك عباده
كلٍ رجمٍ للمعالي والمفاخر قد رقيته
انت صقراً يكحّل عيون العرب حزت هداده
راسك الطيّب لغير الله تعالى ماحنيته
وانت نارك ماتعود حزت الماقف رماده
في ميادين الصياهد صيت جدّانك حميته
من تحدّى شوط سمحات الحمر يكسر عناده
يا مدوّر لاهل الفزعات رايي لا بغيته
لا لحقك امن الزمان اهموم وضروف ونكاده
ازبن لـ حرب الحرايب كلّ ما وقتك شكيته
كم على ظروف الأوادم اشعلو حرب الإباده
حرب ربعي من صطرهم بالسنوات المقيته
وسمهم على المطيّه يعتبر رمز السياده
العمور اهل الحمايا كلّ مجداً معتليته
يشهد الله في فعايلهم وتشهد به عباده
يا بني عمر الأشدّه ذكركم لا من طريته
العرب تاقف لكم تبجيل وتقدير وإشاده
شيلة اتجاهل واتغافل – خالد ال بريك
Atajahul wa Ataghalaf – Khaled Al Braik
كلمات: أحمد الجويدي
المزيد من شيلات خالد ال بريك
شيلة احتاج سجه – خالد ال بريك
شيلة بنك حرب – خالد ال بريك
شيلة امجادنا كبرى – خالد ال بريك
شيلة دق المنبه – خالد ال بريك
شيلة الشجاع يموت مره – خالد ال بريك