كلمات شيلة احتاج سجه لخالد ال بريك بتوصف لحظة تفكر وتأمل في الحال والماضي. الكلام فيه قوة ووضوح، يعكس روح الكرامة والصبر اللي تميز أهل الفخر والمواقف. اللحن يحمل طابع بدوي أصيل، يخلي المستمع يحس بنبض الشيلة وهيبتها. اغنية احتاج سجه مليانة كبرياء وصدق، بتوصل المشاعر بأسلوب شاعري جميل.
كلمات شيلة احتاج سجه لـ خالد ال بريك
اليوم هـذا ماهو بفارق لا ليل ولاانهار
أقسمت بالله ما يروح اليوم بأفكاري سدا
من قوّة الواهس شعوري ما يكفّيه المدار
صرت أتفنّن مثل عبدالله حبيّب ف الحدا
م احتاج قهوة ساخنة وأشعار غسّان ونزار
أحتاج سجه في فجوج الأرض وأحتاج أهدا
في ديرةٍ فيها الحزين يقرّر لوضعه قرار
دار ما فيها غير موجات الثريّا والندا
فيها صليب الراي ماله غير فكره مستشار
يرتّب الأوضاع ويحطّ الخبر والمبتدا
الحاجه أمّ الضيق وأمّ الهمّ وأمّ الانكسار
يمكن تردي واحدٍ ما خلق فعروقه ردا
ما ودّنا نخطي على المخطين ونزوّد العيار
خلّ الليالي تاخذ الزلّات والشرهه فدا
رجلٍ جروحه ما يضمّدها لا مال ولا مطار
ما عاد لجروحه من الحرمان والهمّ ضمدا
يا كم ويا كم عشت فالأيّام لحظات انتظار
والرزق للإنسان مكتوب ان مشى ولّا عدا
راضي بما تجري به الأقدار واللّي صار صار
وقناعتي تسوى ثمان قصور في حيّ الهدا
واللّي ف عينه شاف الأرض بوسعها كبر الزرار
ينزل مع القديه ويفهق مرّات وثرمدا
فحريملا يلقى الكريم اللّي عن الزلّه مجار
اللّي يحلّ المعضلات لواحدٍ ماله جدا
في مزرْعته اللّي ما سمّاها بالاسم المستعار
بـ اسمه وتفخر بـ اسمه السلمان لا ماله مدا
من حرّ ماله ماهي بمّده من طوال العمار
يستاهل اللّي فعله يجملّ وله صوت وصدى
راع المكارم والمراجل والفعايل والوقار
رجلٍ ليا من حانت الوقفات ما معه معدا
ماهو غريب أنّا مسمّينه عدوّ الادّخار
إمّا يصوّت للعشا ولّا يصوّت لـ الغدا
يمناه ما تحسب حساب المال وصكوك العقار
هذا حزامٍ ينفع الأصحاب ويضدّ العدا
نوّاف ابن عمّي عقيد القوم عسّاف المهار
عضيد من ماله من الأيّام والناس عضدا
محامي سليم العريقه فالمواقيف الكبار
بالحجّه اللّي تفلج الأخصام والراي القدا
أي والله أنّه حرٍ ينومس ومن ماكر حرار
ويا طيّب رجال بنهج الطيب والجود اقتدى
شيلة احتاج سجه – خالد ال بريك
Ahtaj Sajah – Khalid Al Buraik
كلمات: فواز بن عواض
المزيد من أغاني خالد ال بريك
شيلة بنك حرب – خالد ال بريك
شيلة امجادنا كبرى – خالد ال بريك
شيلة دق المنبه – خالد ال بريك
شيلة الشجاع يموت مره – خالد ال بريك
شيلة القلب الغيور – خالد ال بريك