كلمات اغنية أنا مش فاهمني غناء الفنان أحمد سعد من الألبوم الحزين، بيشرح لخبطة جواه بين قوة بتكبره وخوف بيخليه يستخبى، والناس شايفاه بيضحك وهو الضحك غصب عنه، وبيقول أنه بيقع ويقوم وبيحارب الدنيا، ومع كل عيوبه لسه مصر يحب نفسه ويكمل.
كلمات اغنية أنا مش فاهمني أحمد سعد
أنا مش فاهمني
جوّايا مليون ألف حاجة ملخبطيني
أوقات بشوفني أدّ كلّ الدّنيا ديّا
وأوقات كتيرة بستخبّى جوّا منّي
أنا مش فاهمني
إزاي بعاند كلّ حاجة ومش هامّمني
النّاس تشوفني يقولوا عايش أهو بيضحك
مع إنّ الضّحكة بتبقى طالعة غصب عنّي
أنا ماتفهمش وماتحكيش
وحياتي رحلة ماتتنسيش
بقع وبقوم كثير ولسه برضو بحبّ أعيش
أنا جاي من تحت السنين
طبّ واللّي جنبي راحوا فين
أنا قدّ أيّ حاجة وعمري ما اتكسر لي عين
واخد مكاني
ومهما رحت أنا برضو برجع ليّا تاني
الدّنيا ودّتني وجابتني وماتكسرتش
ومهما أشوف جوّايا حاجة مقوّياتي
قلبي تاعبني
عايش بحارب دنيا دايماً بتحاربني
عارف عيوبي وعادي ممكن أعدّها
بسّ الأكيد إنّي هعيش وهموت حاببني
أنا ماتفهمش وماتحكيش
وحياتي رحلة ماتتنسيش
بقع وبقوم كثير ولسه برضو بحبّ أعيش
أنا جاي من تحت السنين
طبّ واللّي جنبي راحوا فين
أنا قدّ أيّ حاجة وعمري ما اتكسر لي عين
اغنية أنا مش فاهمني – أحمد سعد
Ahmed Saad – Ana Msh Fahemni
كلمات: أحمد عيسى
ألحان: مدين
توزيع: توما
المزيد من أغاني أحمد سعد
بينسوا إزاي – أحمد سعد
وصلت معاك – أحمد سعد
الغاليين – أحمد سعد
اتغابيت – أحمد سعد
زي زمان لـ أصالة وأحمد سعد