كلمات مهرجان أنا فين أنا شكلي مابين خاينين غناء عصام صاصا الكرون، بيوصف فيها غدر الناس اللي كانوا معاه عشان فلوسه ولما تعب وسابوه. بيحكي عن وجع قلبه من الحب والتقدير اللي ملوش وجود دلوقت وقرر يبعد عن الكل ويقفل على نفسه عشان يريح باله من الغل والحقد اللي شافه خالص.
كلمات مهرجان أنا فين أنا شكلي مابين خاينين
أنا فين أنا شكلي مابين خاينين
وسط زغابة وتعابين
هفتح عين وأقفل عين
ما أنا وسط ضباع
ضغوطات وحاجات بتجرّ حاجات
بتزوّد في الإحباط
من ناس كانوا جنبي أخوات
بسّ الإنسان طمّاع
المحبّة كدبة من بتوع السيما
الحياة بلا قيمة
وسط خلق لئيمة خبيتة ميتعاشروش
واللّي زاد غطّى إنّ ناس كانوا منّي
فجأة بعدوا عنّي
أمّا جيبي فلّس مبقاش يدخلوه قروش
شقيان في الحرّ بكون شغّال
جايب آخري وتعبان
باللّيل أروح همدان بتعشّى أتغطّى وأنام
مهدود عايش ولا كنّي بموت
ما أنا وسط النّار محطوط
وبقوم من نومي مخضوض
خايف غدر الأيّام
لمّا جالي قرش كلّه قام رنّلي
بيقولوا وحشتني
كنت فين يا زميلي بقيت مش باين ليه
كلّه عينه راصدة اللّي جوّة جيوبي
دولا حافظين يومي
بسّ مش عارفين إزّاي بسّ بعدّيه
ندمان على وقت معاكي قضيتو
على قلب أنا ليكي عطيتو
الحبّ ده يخرب بيته ده بيذلّ الإنسان
هنساه وألغي عواطفي وأحاسيسي
هتشوفي شرّي وأباليسي
ما هو مش سهل ومش إيزي
القلب اللّي بيتهان
وأمّا حظّي شافني والحياة ضحكت لي
كلّه جه يعرض لي
الحياة ورّتني وشوش من غير ألوان
البكاسة واضحة عادي كدا عيني عينك
وأنت طالع عينك
كلّه نفسو يطولك كلّه ده بقى غيران
تفكير عقلي ده أصبح مشلول
بفضل نايم على طول
إنسان في حياته مقتول بلا أيّ طموح
تقدير مبقاش ليه ما بينّا وجود
من الوضع بقيت مخضوض
وما عنديش ليكو ردود
ولا أيّ عتاب مسموح
قفل المحاضر الكلام على جولة
أنا بخصومي أولى
الخصومة دي سهلة
ومش محتاجة سلاح
الإيدين بتشقى ناشفة عادي تتعارك
قولتوا مين هيشارك
يدوي أو بكذلك أيّها عرض متاح
هختفي وأبعد عن كلّ النّاس
أنا جايب آخري خلاص
أنا عندي أموت برصاص
ولا إنّي أموت مقهور
هكتفي بالقهوة مع سجارتين
هقفل على نفسي سنين
أنا كاره البني آدمين
من عشرتهم مكسور
الفراق بدايته حاجة صعبة بتوجع
همشي فيه مش هرجع
والحساب ده هيجمع كلّه يسدّ الدّين
البداية صعبة والنّهاية كانت سهلة
واللّي جاي ده أحلى
أحلى يابا على أحلى
الضّرب الجاي ع العين
مهرجان أنا فين أنا شكلي مابين خاينين
Ana Fen – Essam Sasa
غناء: عصام صاصا
كلمات: كاستلو
توزيع: كيمو الديب
المزيد من أغاني عصام صاصا
بالحب تخطي الخطوه – عصام صاصا
شيلوا عينكم من علينا – عصام صاصا
ملوك ساقت كارها – عصام صاصا
إضرب يا كينج – عصام صاصا
اخواتك مين بيصرف معاها – عصام صاصا