اغنية اخر الليل” لـ T.M.X بتحكي عن رحلة من الصراع الداخلي والتحديات اللي بنواجهها في الحياة. بكلمات عميقة وعاطفية، الأغنية بتعبر عن النضال مع الذات والمحاولات المستمرة للتغلب على الصعوبات. T.M.X بيشارك مشاعر الحزن والأمل في نفس الوقت، وبيذكرنا إن القوة الحقيقية بتكمن في الصبر والإصرار على النهوض من جديد.
كلمات اغنية اخر الليل لـ تي ام اكس
هي سردة آخرة الليل لمّا تصفي لحالك
لمّا بينك وبين نفسك فينك تعلن إنهزامك
ترجع again تحاول فدا لحظة إنتقامك
تتذكّر كل كلامك تدردش إنت وشيطانك
كل ما بنوي بتوبة بوسّخ برجع مطرح ما بديت
ملّيت قمت ورجعت من نفس ال bottle صبيت
وإنا الشغف عرفتو مات من لمّا الفرص كبيت
Just wait راجع صلب بس لإني تأذّيت
حزينة وين ما بلف قصص حزينة
مشينا الموج إخدنا خبطت فينا السفينة
مالي ناطر منكو شي ولا حتّى تحسّو فيني
كنت كاتب السيناريو وذاكر إنو حتخذليني
عايش إنا وصحابي ملك والسهر روتيني
مختفي عن الإنظار لإنو ما عاد بتواتيني
ما تخلّيت بس لكم دينكم وليَ ديني
ما عندي روس كبيرة بتعانديني ملّيتيني
إستحالة تعدي وحدة تقدر تكسر شراعي
بتشتاقلي بعرف عادي إنو كسرك وداعي
عتابك مالو داعي عقرب عندي سمّ إفاعي
كنت مشتّت التفكير كب سنين ما كنت واعي
بنت حبّتك جد وبنت جبتا بالمصاري
والليلة واقف المايك عم إدفع تمن إخطائي
يمكن كنت حاد الطبع ويمكن كنت إنا الإناني
ولو في حدا تأذّى فعلاً فرح كون إنا لحالي
حزينة وين ما بلف قصص حزينة
مشينا الموج إخدنا خبطت فينا السفينة
مالي ناطر منكو شي ولا حتّى تحسّو فيني
كنت كاتب السيناريو وذاكر إنو حتخذليني
بسألوني كيفك هاد الحال إخوي طلاع من راسي
التعصيب طلع مو بإيدي من العيلة عنصر وراثي
فترة فوق وفترة تحت عم راقب إنتكاسي
ناطر اللحظة المناسبة حتّى إعلن إفتراسي
للسين ليفهمني بدّن ركد عشر سنين
بترفّع عن الوسخ والزنخ والسردين
لا تواخذوني إخد راحتي معلش بس كنّا ساردين
مو بالضرورة تكون عاجبني في حال شفتنا ساكتين
مطروب ع صوت ال stereo كلشي عملتو بإيدي
بتصوّرو إنتو باستديو الحمدالله بصوّر ببيتي
قطّعت كروت لناس كتير بس إنتي ما إستنيتي
واللي بزعل لحالو برضى تركتك حتّى ستويتي
ما بنكر إيّام كانت بيننا ما بنكر المودّة
ما برتجي شي من حدا الناس بتعرفا بالشدّة
بالسهرة موسيقى وصدى بسترخي مع ضرب متّة
إلف فكرة عم بتواسي حرب براسي عالمخدّة
هي فترة ورح بتعدي شدّة ورح بتزول
ودّعت البلد تارك حلم ضايع عالحدود
مع ذلك واسي حالي عارف بكرا رح بتدور
كشفت طيّات الماضي بين الخافي والمستور
عانيت إنا فوق طاقتي حكتلي إني مسحور
قرأت كتاب الله وجدت الشفا بين السطور
وهناً على وهن حملتني ٩ شهور
آسف ما كنت الشخص لبدّك يّاه لكنّي كنت مجبور
اغنية اخر الليل – تي ام اكس
T.M.X – Akher el Lil
كلمات: T.M.X
توزيع: AyhAmZ
المزيد من أغاني تي ام اكس
كلمات اغنية كابوس – تي ام اكس T.M.X
كلمات اغنية حر – تي ام اكس T.M.X