اغنية حر لـ تي ام اكس بتتكلم عن الحنين للوطن بعد 13 سنة من الحرب والقهر في سوريا. الفنان بيحكي عن الظلم والفساد والمشاعر المختلطة بين الأمل واليأس. الاغنية بتعكس غضب الشعب السوري من النظام والرغبة الشديدة في التغيير والحرية. كلمات اغنية حر بتعبر عن معاناة الشعب السوري وأملهم في مستقبل أفضل.
كلمات اغنية حر تي ام اكس
صار الوقت اني سافر دمشق شتقلك ابنك
ليكو راجع 13 سنة حرب خلص حاجة
ربّك أذن شاء مثل نوره كمشكاة
في بقلبها مصباح والمصباح في زجاجة
هرمنا لاجل تلك اللحظة ما حدا حسّ فينا
كلّن بينو بالأزمة بس عبالهم انو نسينا
هلأ كلّو صار صديق وانا عم مشي الجوّ
كلشي تحت الطاولة صار عملو تقنين ليخفوا الضو
ظلم وتشبيح غرف مخصّصة بس للتشريح
ابن حرام مصفّى ولو خانني التشبيه
نظام قائم عالسرقة وسياسة التشليح
بس كبّ كلشي ع جنب بشّار انت منيح
بدون خطاب وداع وين سيادتو شكلو ضاع
فلت كلشي خان جماعتو فوق كلشي طلع بيّاع
بنى لنفسه قصر رئيس وكلشي كالمة
فش مشاكل طالما هو بياكل واذا الشعب جاع
ردّ الصاع بالصاع جاكم الشاهين
رجل حقيقي بحت في زمن الدجّالين
كيف بتحاربوا الفساد وانتو بالأصل فاسدين
لحتّى يضل رئيسنا بدّن يانا نسبّ الدين
ع سكرة كمشت وطنيّة فتح فرع لفلسطين
لحتّى يخفي جرمو عادي عندو دبح ملايين
تبقى لا تتابع اخبار او خلّي جنبك انسولين
اجا تلفون كركب كيانو ولّى فاراً مسكين
لحتّى نفوت الشام كلّفتنا بس بانزين
بكل بيت عنا عيد رجالنا ع قبرو دايسين
14 سنة حرب يارب احنا آسفين
ردود فعل غريبة كبت مشاعر صرلا سنين
كل مرّة ينفد واسطة فوت فييا ايدين كتير
تخبّى عند بوتين تغطّى منيح وعليك بالنوم بكير
وجهين لنفس العملة هو وصاحبو نافخ الكير
عبالو السلطة دايمة طغى نسي الله كبير
لعملو عنا بسوريا ستحو يعملوه هدوك
تلت طوابق تحت الارض الظلم من ايّام ابوك
قدّم لجوء روح لبعيد بس اوعى تفكّر رح ينسوك
عايش حياتك بكابوس حتضلّك لحتّى يدوسوك
يخربيتك قد ما لزقت قلنا هاد ما عاد يروح
فقدنا الامل مات شبابنا حتّى بطل فينا روح
المهم هو ينام مرتاح ولو تهدّمت بيوت
بخيل طلع خير الله حتّى جيشو مات من الجوع
ترك البوم صور بالبوكسر هاد رئيس ولا سلتوح
جبان هرب ترك قميص نوم اسماء عالأرض مشلوح
كان ممكن سيناريو افضل الله اختار تعيش مذلول
منيح ما نقتلت يوميتا لحتّى نضحّك الجمهور
يلي متلو من المفترض لما يكشموه يخصّوه
مساجين السجن الاحمر طلعو كيف رح ينسوه
بس لانو شال لافتة ضروري تحسبوه
يذكر اسامي 12 غيرو لحتّى بس متلو يذلّوه
الناس ميتة مو من الخوف الناس ميتة من الجوع
بالوطن ماشفنا الراحة شروط الطلعة بلا رجوع
شفنا الجنّة برّا عادي شفنا شجر بلا فروع
برّا عبر صروف ودبل تعوّد تكبر بلا شموع
سياستك انت القمع ما كنّا نقدر نحكي
خايف احرق قلب امي ترجع مرّة تانية تبكي
مرّة تانية ارجع فوت منفردة كالتابوت
زرعت فيهم خوف ما علّمتن يهابوك
نظامك لي سقط هروبك كالقطط
مجرم دولي سابق 3 كلمات لتوصفك
من رئيس لكلب فراري حياتك عالمحك
وراك وراك انت روق شوي والمحاكم رح تفضحك
هلا كلّو صار بريء طيّب ع مين الحق
ربع قرن تحت الارض بس لانو قالو لاء
مجازر بكل مكان ولام جيشو ليش انشق
اوّل سؤال ببيت خالتك انت مين ربّك ولك
إن ما متّت انت برصاصة حتموت انت من الذل
عبالو البلد للي خلفو سرق الكل
عاجبو الكرسي كان كتير شحنو ع روسيا قبل ما يفل
لمّا ستّة ونص الصبح اعلنو سقوط الكر
اغنية حر – تي ام اكس
Hor – TMX
كلمات وتوزيع: TMX