كلمات اغنية أجيبلك إيه

كلمات اغنية أجيبلك إيه غناء الفنانة لطيفة من ألبوم شبهي بالمللي بتقدم طلبات غالية رغم بساطتها، هي مش عايزة هدايا مادية لكن بتطلب راحة البال وحياة صافية من غير وجع، وبتتمنى العمر يرجع بلمة صحاب مخلصين. والآن إليك كلمات الاغنية كاملة.

كلمات اغنية أجيبلك إيه مكتوبة كاملة

حَبيبتي وحشتيني
أَجيبلك إيه وأنا جَاي؟
هَاتلي مِخدة أَحط رَاسي عليها أَنَام
وهَاتلي قَلب يزعل بَسّ يَصفى قَوام
وهَاتلي سَاعة رَاحة بَال… وحَبّة فَرَح لو بِريال
وهَات أَقْفال أَقْفل بيها بَاب الحُزن
وهَات م الحُبّ مِليون حُضن
وهَاتلي مَعاك شِويه صَبْر
وهَات م للخواطر جَبْر

آقُولك عِشان ما تِتلخبطش
هَاتلي العُمْر م الأَوّل
وهَات حَبايبنا من تاني
وهَات الجِيرة والصُّحبة
وهَات قَلب مايسودش
وعُيون جَميلة ماتحسدش
وعَيش ومَلح ما يتخانش
وهَات أَقْفال أَقْفل بيها بَاب الحُزن
وهَات م الحُبّ مِليون حُضن
وهَاتلي مَعاك شِويه صَبْر
وهَات م للخواطر جَبْر