كلمات اغنية أنا بعجبني

كلمات اغنية أنا بعجبني للفنانة التونسية لطيفة بتوضح حب النفس وازاي الواحدة بتهتم بمزاجها وبتروق على روحها من غير ما تستنى طبطبة من حد وتكتفي بذاتها. والآن إليك كلمات اغنية أنا بعجبني كاملة.

كلمات اغنية أنا بعجبني مكتوبة كاملة

المَزاج لازم يتدلع
والبال مَحتاج يرتاح
هتبسط والضِّحكة تلعلع
واللى جاي كُله أفراح
مَحتاجين حبة حنية
مَع محبة ومع طبطبة
كَلمة حلوة تمشي الدنيا
وأنا مَع نفسي بَعمل كده

وأنا بَعجبني… أوي أوي أوي
وأنا بَبسطني… أوي أوي أوي
أنا طول عُمْري معودة قلبي
ماحبش قَبلي ولا بَعدي
أنا بَعشقني… أوي أوي أوي
وأنا بَوحشني… أوي أوي أوي
أنا قَلبي حاببني بجد
أنا مَقدرش أبعد ثانية عَنّي

لو زَعلانة بصالح نَفْسي
مِش بحتاج كَلمة معلشي
كان على عيني وعلى رَمشي
بَس أنا مكتفية بذاتي
مِش بعاتب ولا بَزعل
بفكس للى عَليا يِتقل
ولا يِفرقلي ولا هَسأل
آخركم بَرّة حياتي

وأنا بَعجبني… أوي أوي أوي
وأنا بَبسطني… أوي أوي أوي
أنا طول عُمْري معودة قلبي
ماحبش قَبلي ولا بَعدي
أنا بَعشقني أوي أوي أوي
وأنا بَوحشني… أوي أوي أوي
أنا قَلبي حاببني بجد
أنا مَقدرش أبعد ثانية عَنّي