اغنية عالم موازي لعمر الكروان بتعبر عن صعوبات الحياة والتحديات اللي بنواجهها في واقع مليء بالخيبات والغدر. الكلمات تحكي عن المعاناة والصراعات اليومية والشعور بالإحباط وسط عالم فيه الناس بتدي جوايز للخيانة والغش. عمر الكروان بيوصل بإحساسه مشاعر الألم والصمود، وكيف إن الحياة عبارة عن فيلم أكشن مليء بالمواقف الصعبة والتجارب القاسية.
كلمات اغنية عالم موازي لـ عمر الكروان
بموت في السّر ألف مرّة بس عايش
في وسط ناس بتدّي للّي خان جوايز
عالم شيطانها هوّه دايماً اللّي فايز فيهم ساء
العمر لحظة كلّه ماشي كلّه رايح
زيّ الدّوا ماهوّه الأيّام مالهاش ملامح
كلّه بيتغيّر والنّهارده غير إمبارح
واللّي باع إتباع
الدّنيا فيلم أكشن مش رومانسي
لو غبت يوم واحد هتبقى منسي
لو وقعت مش هتلاقي حد يشدّ إيديك
وهتفهم بالتّضراب والممارسة
في خلق مستنيّة نص فرصة
والهزار هيقلب جد هيغدروا بيك
إحنا جينا في زمن مالهوش كتالوج
هوّه مين يؤتمن والطّريق معوّج
كلّه بقى بتمن ماشي حسب الموج
واللّي راح إنتهى والدّخول غير الخروج
هوّه فين الوفي أنا مالقتهوش
فاجئة كلّه إختفى كنوع مغشوش
لمّا النّور إطفى إتبدّلت الوشوش
شوفت ياما في دنيتي غدر النّاس معشتهوش
إعمل حسابك إن أساس الحرب خدعة
والطّيبة ماتت وإنتهت مبقتش نافعه
عالم مغيّب طول الوقت الشّبكة واقعة
داين تدان
فيلم الحياة مالهوش مونتاج ولا إعادة
واللّي بيموت عليه بنشرب قهوة سادة
من غير مقاوحة لازم ترضى علشان تتراضى
وكلّ شيء بأوان
الدّنيا حلوة بس طلعت نكتة بايخة
فوّقت من الصّدمة بس دماغي لسّه دايخة
ملّيت خلاص من كتر اللّف على المشايخة
وحالي ده حالي
نفسي ألاقي حد بيوفّي بوعده ويصدّق
النّاس في الشّر واخدة جايزة بأعلى نسبة
عالم موازي وكلّ يوم ماشين بمبدأ فين راحة البال
الدّنيا فيلم أكشن مش رومانسي
لو غبت يوم واحد هتبقى منسي
لو وقعت مش هتلاقي أي حد يشدّ إيديك
وهتفهم بالتّضراب والممارسة
في خلق مستنيّة نص فرصة
والهزار هيقلب جد هيغدروا بيك
إحنا جينا في زمن مالهوش كتالوج
اغنية عالم موازي – عمر الكروان
3alam mwazy – Omar Elkarawan
كلمات: غير معروف
توزيع: رامي المصري
المزيد من أغاني عمر الكروان
كلمات اغنية دنيا الجراح – احمد عامر وعمر الكروان