كلمات اغنية دنيا الجراح غناء احمد عامر وعمر الكروان بتتكلم عن قسوة الحياة والغدر والخيانات اللي ممكن تشوفها. بتحكي عن الفلوس وتأثيرها على الناس وازاي الفلوس الحرام بتغير النفوس وتفرق الناس عن بعض. الفنانين بيتكلموا عن الأمانة والإخلاص في زمن مليان بالخيانة. اليكم كلمات دنيا الجراح مكتوبة وكاملة.
كلمات اغنية دنيا الجراح احمد عامر
الدنيا مهما تعاند
معاك وواقف ثابت
تقول ده راجل جامد
تقول عليك سندال
كبرنا وعرفنا الغلط
من الصحّ بقى يا عيال
يتوب علينا ربّنا
من مشيكم يا شمال
حبّة ورق اتبعترو وفرّقو الاخوات
وفلوس حرام علّت في ناس
وبيتنادوا ببهوات
شوفوا الجنيه وعمايلو
في اللي غلبت احيالو
ناقص وباع زمايله ملوش ملّه البعيد
على أصله الواطي بان
بيّاع ملهوش امان
والحلو كلّه هان
ياريت يبعد بعيد
دنيا الجراح ومين مرتاح
وبقت دايره خيانه
اعوان شيطان ملكوش أمان
واتسابقوا على آذانا
ردّ الجميل بقى بالتغفيل
وعلينا زي معانا
حتّى الكبير مبقاش كبير
وربّنا معانا
تعظيم سلام للمخلصين
في دنية الأموال
والله المعين للطيّبين
ويصلح الأحوال
عايشين وراضين بالقليل
والصحّه عال العال
في المجدعه والمرجله
عايزين ٢٠٠ موّال
مش كلّ لقطة جدعنة
من ندل بقى مظبوط
ولا دخلة حلوة بمعلمة
نفتح لها ونفوت
بدل القلم دسّة اقلام
على راسي دقّ طبول
ولحدّ موتي هشوف علام
ومخّي ده كشكول
صحبت ناقص عارفه
وسايبه هيجيب اخره
عامل حبيبي وكارفه
وصورمه منّي هاريه
الثقل صنعه وغيّه
مع بتوع المرازيّه
لو ناس ولاد مؤذيّه
احسن لك امشي بعيد
دنيا الجراح ومين مرتاح
وبقت دايره خيانه
اعوان شيطان ملكوش أمان
واتسابقوا على آذانا
ردّ الجميل بقى بالتغفيل
وعلينا زي معانا
حتّى الكبير مبقاش كبير
وربّنا معانا
وسّع ياعم الشنو شن
بيحضر يمحيكوا
عم المجال وانتم عيال
اهدوا الله يهديكوا
سلطان الشن من التقال
كعبوا عالى عليكوا
وبدون مقارنة عظيم في كارنا
وبيحطّ عليكوا
كلمات اغنية لو غيران مننا – احمد عامر
تفاصيل اغنية دنيا الجراح – احمد عامر
Dunya Al-Jarrah – Ahmed Amer wa Omar Al-Karawan
كلمات والحان: الجباتي
توزيع: محمد حريقه