كلمات اغنية عادي لرحمة محسن من مسلسل “فهد البطل” بتعبر عن إحساس كبير بالحزن والوجع اللي بيجي مع الفراق والوحدة، وبتوصف الصراع مع الأيام اللي بتاخد كل حاجة حلوة، وكأن الدنيا مش عايزة تسيب فرصة للراحة أو الفرح. الفنانة عايزة توصل مشاعر الانكسار والصبر بطريقة تخلي اللي يسمعها يحس إنها بتتكلم عن وجعه بالضبط.
كلمات اغنية عادي لـ رحمة محسن
هي ليه الأيّام تمّلي بتساومني
وإن شافتني بحبّ حاجة تاخدها منّي
بين الصّعب وبين الأصعب بتخيّرني
هو ليه حتّى اختياري غصب عنّي
الفراق بقى زي ضلّي وبيراقبني
بقيت أخاف أحبّ حاجة لا يوم تسيبني
يا ريته كان بإيديه ده القدر غصبني
لو شافتني الدّنيا بضحك بتعاقبني
عادي قلبي يعيش يعاني
إيه هيحصل يعني تاني
شايله لي الأيّام عشاني
غير وجع وغير دموع
دوسي على قلبي وهنّيني
عادي بفراق اوجعيني
هاتي أحزان بكّي عيني
ما أنتِ حالفه لا عيش موجوع
ليه يا دنيا بقت لوحدي صفّتيني
الوجع دايمًا فكّرني ومش ناسيني
كلّ حضن ارتاح له عنّه بتبعديني
واللّي أحبّه تمّلي منّه بتحرميني
الفراق خلّص حبايبي ومين بقيلي
هو ليه قلبك يا دنيا مش صفيلي
وليه من هجر اللّي كانوا ونس في ليلي
كلّ حيّ ينام في ليله إلّا أنا اللّي سهرت ليلي
عادي قلبي يعيش يعاني
إيه هيحصل يعني تاني
شايله لي الأيّام عشاني
غير وجع وغير دموع
دوسي على قلبي وهنّيني
عادي بفراق أوجعيني
هاتي أحزان بكّي عيني
ما أنتِ حالفه لا عيش موجوع
اغنية عادي – رحمة محسن
3adi – Rahma Mohsen
كلمات: محمد النجار
الحان: محمد عبد المنعم
توزيع: أكرم عادل
المزيد من أغاني رحمة محسن
كلمات اغنية قهرة قلبي – رحمة محسن
كلمات اغنية حفلة تنكرية – رحمة محسن
كلمات اغنية قرار إزالة – رحمة محسن
كلمات اغنية يحيا العدل – رحمة محسن
كلمات اغنية كاس الوجع – رحمة محسن