كلمات اغنية يحيا العدل غناء الفنانة رحمة محسن بتحكي عن بنت اتحررت من علاقة مؤذية وفرحانة إنها خرجت منها وبقيت حرة، بعد ما كانت حاسة إنها في سجن. اغنية يحيا العدل بتؤكد على العدل وإن الحقيقة بتظهر في الآخر وكل الناس بتعرف الغدر. اليكم كلمات اغنية رحمة محسن يحيا العدل مكتوبة وكاملة.
كلمات اغنية يحيا العدل رحمة محسن
أنا مش زعلانة إني خسرته
أنا كسبانة حياتي في بعده
أنا كنت في سجن ومحبوسة
خدت براءة لما أنا سيبته
من بعدك مشاعرنا سليمة
البعد مأثّرش علينا
أنا جاية أصحّحله الصورة
قصتنا بقت قصّة قديمة
عملت من الفسيخ شربات
وخدت الواطي عليته
واخترت الوحش بالذات
وجوّه في قلبي حطيته
ومن دون البشر والناس
بكل سذاجة حبيته
ده كان أقل خلق الله
الحمد لله إن أنا رميته
يحيا العدل يحيا العدل
كل الناس عرفوا إنك ندل
يحيا العدل يحيا العدل
بان عليك وظهر الغدر
يحيا العدل يحيا العدل
كل الناس عرفوا إنك ندل
يحيا العدل يحيا العدل
ليك على قلبي حق وفضل
خلّصت آخر حبة في طاقتي
وخسرت معاك عمري ووقتي
أنا ليه استحملتك من الأوّل
ليه كنت بفوت وبعدي
طلعتك خارج حساباتي
وحسبتها صح المرّادي
هدوّر وشي الناحية التانية
لو شوفتك بالصدفة قصادي
عملت من الفسيخ شربات
وخدت الواطي عليته
واخترت الوحش بالذات
وجوّه في قلبي حطيته
ومن دون البشر والناس
بكل سذاجة حبيته
ده كان أقل خلق الله
الحمد لله إن أنا نسيته
يحيا العدل يحيا العدل
كل الناس عرفوا إنك ندل
يحيا العدل يحيا العدل
بان عليك وظهر الغدر
يحيا العدل يحيا العدل
كل الناس عرفوا إنك ندل
يحيا العدل يحيا العدل
ليك على قلبي حق وفضل
اغنية يحيا العدل – رحمة محسن
Rahma Mohsen – Yehya El Adl
كلمات: أحمد الجوكر
ألحان: محمد عبد المنعم
توزيع: أحمد ناصر الدواوي
المزيد من أغاني رحمة محسن
كلمات اغنية كاس الوجع – رحمة محسن
كلمات اغنية اللي يفارقني يفارق – رحمة محسن
كلمات اغنية اسند ضهرك – رحمة محسن