كلمات اغنية ذاتك للجوكر بتحكي عن الحياة والتحديات، والشخص بيحاول يتعامل مع نفسه ومع الناس بطريقة إيجابية. الأغنية مليانة بمشاعر الحكمة والتفاؤل، وبتعبر عن أهمية التعامل مع الذات والآخرين بفهم ومتعة. الكلمات بتشعرك بالتحفيز والإلهام، وبتحث على التفكير في العلاقات الإنسانية والتعامل مع الحياة ببساطة وصدق. إليكم كلمات اغنية ذاتك كاملة ومكتوبة.
كلمات اغنية ذاتك لـ الجوكر
مابنشتكيش من الحمول طول ما فينا أكتاف
لولا شيلنا شيلة تقيلة كان زماننا خفاف
ناس كتير بتقول النّاس بتقول قليل شاف
قاللي عمّو خايف قلت عندك حقّ تخاف
ماتقولش هروح وهاجي الحظّ لا يؤتمن
لمّا بنغلط نفس الغلطة مابندفعش نفس التّمن
عشان في ناس باقي في نصيبها
وناس خدوه مقدّما
وناس خدت بزيادة بس هيدور عليها الزّمن
آه مابتتحسبش بورقة وقلم
وجعنا مش زيّ بعضه لو أكلنا نفس القلم
بس هي هي نفس الذّئب ونفس الغنم
رسايل للفضاء قابلني لو مخلوق إستلم
حاسس إنّ عمري ألف عام
ياترى بعد التّعويم الألف شمعة تعمل كام
الدّنيا بتلعب بيّا وبلعب بالكلام
فكّك م الفهلويّة مفيش أهمّ من العلام
تصالح مع ذاتك
إنت مش متأخّر مهما فاتك
تسامح مع ذاتك
حتّى لو إختياراتك سبب معاناتك
الملطوط يحبّ يلطّ النّاس معاه
لو كلّه تاه محدّش تاه
لو مفيش مرتاح مفيش حدّ في معاناه
ممكن يطلب مساعدة بس لا السّواد عماه
كلّ النّاس في عينيه أداة حتّى أكتر ناس حبّاه
آه بس لكلّ وحش هبّة
ع المدى الطّويل مفيش حاجة بتستخبّى
والنّاس مابتتغيّرش لو مش حابّة
ومش أسوأ سيناريو إنّك ناديت ماحدّش لبّى
وارد تاكل بالجزم
صعب تفرد عودك وسط حزم
في ناس ودانها في خزن جوّه خزن
إذا خفّ من التّعصّب
في الغالب أمّا تحزق جامد بيقلّ التّأثّر
ساعات حتّى الضّمير لازم تكبحه
لأ مش كلّ باب تفتحه
ده حتّى إللّي فهموا ونحوا
هاييجي وقت ويجنحوا
قلت وحماس الشّباب مخدّرني
هغيّر العالم العالم غيّرني
ناس أحسن من إللّي بيننا
في الزّحمة تاهوا منّا
مع إنّ ماكانش بيننا خلاف
ولا همّا فيهم إن
ده حال الدّنيا ساعات بتكون غريبة سنة
ساعات نخرّبها فتبرّئنا ونمشي صحّ تديننا
آه بس أكيد الحسبة ظابطة
حاجات مربوطة ببعض
وإحنا مش شايفين الرّابطة
ماتجيش على نفسك المادّة مش بتطبطب
النّاس ماشيين بسرعة مش أمان إنت مش أبطأ
فركّز وإختار بعناية الوسط
خلّي بالك الشّمال بيقولوا ع الشّمال وسط
ماحدّش بياكل إلّا بطنه مهما حصد
ولكلّ ظاهر معنى ظاهر مهما صاحبه قصد
لو نفسك سليمة وسط نفوس لئيمة
يبقى إنت في مكان غلط
قوم بينا
التّمثيل كدب برّة السّيما
في حدّ دايماً فوقينا
ساعات تيجي الهزيمة في شكل فوز لينا
إوعى يعميك نور المدينة
بعيش بالأكتر والأقلّ
دايماً بلاقي حلّ
مؤمن إنّ عمر الميزان ما إختلّ
لمّا الشّمس غربت قمر هلّ
ومش صدفة لمّا توهت بدون أدلّة قلبي دلّ
لكن للأسف في ناس مش شايفة إنّها مش شايفة
جاوبوا كلّ أسئلة ليه لكن بإجابة كيف
بيقولوا الصّورة الكبرى للنّصيب كدبة زايفة
من إختراع عقول من عشوائيّة الدّنيا خايفة
زمان أنا كمان غرقت في الحجج وفي الرّدود
فاكر إنّ ده المفروض عشان يصحّ نكون شهود
لكنّه كان طريق مسدود
خلاف دايماً موجود
لإنّ مفيش دليل خلّى رأي يسود ورأي يموت
بس ده الإيمان فاهم
إنّ العالم محدود
كان هيبقى علم مش إيمان لو قابل للثّبوت
بس ليه إتخيّلنا المالا نهاية والعالم معدود
وليه بنموت ياكلنا الدّود
وظهرت فكرة الخلود
وليه بنحسّ إنّ السّما بتتكلّم
وناس مشيت من زمان بتبتسم وتسلّم
مين إللّي بيقوّينا أمّا بنتألّم
النّور مش في المخّ في القلوب مهما نتعلّم
شكراً لناس رجّعولنا الثّقة بعد ناس نقم
كانت علاقات مرهقة نفسيّاً محرقة
علاقات مربكة بدون ماتكون حتّى مدركة
بتدمّر بالفطرة زيّ ثور بيجري في الأروقة
شكراً ع العلامات إللّي أرشدت كلّ شخص حاد
عن الطّريق وكاد يتوه لكن شافها ورجع وفاد
زيّ ما إستفاد فهم بشكل بات إنّ إحنا مش آحاد
مش حيوانات ولا في حياة بعض stepات
شكراً لناس بساط
بدون تكلّم وإستطراد
في قلوبهم إيمان فاض
فشال من ع العينين رباط
بدون تكلّف وإستعراض
ولا مزايدة ولا أمراض
ولا كان ليهم أيّ أغراض
نفوس بيضا وشعّت بياض
شكراً على ثباتك في أسوأ حالاتك
وعلى عدم مغالاتك في مطاردة ملذّاتك
شكراً على جهادك في سبيل تحسين عاداتك
شكراً على إنّ حياتك مش على حساب إخواتك
اغنية ذاتك – الجوكر
EL JOKER – ZATAK
كلمات: الجوكر
الحان وتوزيع: أحمد إيهاب
المزيد من أغاني الجوكر
بيج بوس
ولاد العم
ايكونز
رايح جاي
فيلم هندي